Zaburi 116:5 - KITABU KITAKATIFU

⁵ Yahova aveeye wizimbavasi kandi umulahi. Nyasaye wiitu aveeye wilivererera.

Zaburi 116:5 ပူးပေါင်းရင်းမြစ်များ

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Nehemia 9:31

Navuzwa mu zimbavasi ziveeye zinene, ivi siwavaleka kinga kuvaadiviza mba; kigira ivi oveeye Nyasaye wizimbavasi kandi wi livererera!

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Zaburi 103:8

Yahova aveeye wi livererera kandi wu vuyanzi, aveeye wa galaha kuva nu vutima, navuzwa yayizula uvuyanzi vutaveeye ne keheri.

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 115:1

Uvukumi vuduukana vuhaanwe ku ivi weng'ine O, Yahova, ku ivi weng'ine; navuzwa si gaali ku kunyi mba, kigira uvuyanzi vuvwo uvutali ne keheri, kandi uvusuuvirifu vuvwo.

Zaburi 119:137

O, Yahova, ivi oveeye mulungi, kandi likalaga lia malago googo liveeye lirungi.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Danyeli 9:14

O, Yahova Nyasaye wiitu ivi wetegeka kuhaana mageri ku kunyi, kandi wakola ndio kigira ivi okolaa agaveeye malungi kazozo, navuzwa kunyi si kwahulira mba.

Danyeli 9:7

Ivi, Yahova, zing'inga ziosi okolaa agaveeye malungi, navuzwa kunyi kweletera zisoni zing'inga ziosi. Yaga gaveeye agiligali kukunyi vosi avamenyi mu kivala chi Ivuyuda kandi mu lidaala lia Jerusalemi kandi avandu vosi va Isiraeli vawasalanya muvivala via himbi ni ihale kigira sivali avasuuvirifu ku ivi mba.

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Vafeso 2:4

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.