Zaburi 115:4 - KITABU KITAKATIFU

⁴ Avanyasaye vaavo valombwa ku ifeza ni zahabu, valombwa na makono gavandu.

Zaburi 115:4 ပူးပေါင်းရင်းမြစ်များ

1 Avami 18:26

Vaavugura igiriki ya valeetelwa, nivagelomba, kandi nivasaara ku Baali kutura mugambazuri kuduuka mbasu hagati. Vahanzuka nivavoora, “Kutivuliri Baali!” Kandi nivazizagilira kuvina nivavodong'ana vwali vwa vaali nivumbaki. Navuzwa litivuli kali lilala siliaza mba.

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

2 Avami 19:18

kandi kusaamba avanyasaye vaavo, avatali vanyasaye ligali, navuzwa vifananyi vie misaala na magina agalombwa na makono ga vandu.

2 Kyetsinyinga 32:19

Vaamoloma amakuva ga Nyasaye wa Jerusalemi munzira ndala yavatalila mu avanyasaye va vandu vi vivala vindi avaari vifananyi vialombwa na vandu.

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Isaya 37:19

kandi vamala kusaamba avanyasaye vaavo, avavura kuva avanyasaye kali hakuzu nitali ivifananyi vie misaala namagina, ivialombwa na makono gavandu.

Isaya 42:17

Yavo vosi avasuuviraa mu vifananyi, avalanga, vifananyi muveeye avanyasaye viitu, valakolwa kuva mu zisoni ligali.”

Isaya 44:10

Sihaveeye ho novokonyi kolomba ekelombe kutura ku kivia anoho kifananyi chu kusigamira kuli nyasaye mba!

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Isaya 44:9

Vosi avalomba vifananyi vaveeye hazwa, na avanyasaye va vayanzilira sivaveeye novokonyi mba. Yavo avasigamiraa avanyasaye yava vaveeye avavoku kandi sivamanyi kindu kali hakuzu, kandi valava mu zisoni!

Danyeli 3:5

Lwa muhuliri mwoyo gwi kisiriva, kelondwa ku ni likuba lie lilele nu gwi lidienyi, nu gwi inangoli nu gwu vukana nu gwi lidulele harara ni vikuli vindi viosi ni vikubwa. Nonoho lwa vitanga kukubwa, gamuduukira mwiname haasi nu kusigamira kifananyi chi zahabu chu mwami Nebukadineza amali kusingiliza.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Hosea 8:6

Umundu musiza wa Isiraeli yalomba kifananyi, kandi sikeveeye nyasaye kali hakuzu mba! Igiriki yi ifeza isigamirwa mu Samaria iravunanywa muvidonye!

Vikolwa 19:26

Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba.

Vikolwa 19:35

Inyima mung'odi wi lidaala yakiring'anyia avandu, navavoolera, “ Munyi avandu va Efeso, mundu woosi amanyi ndi lidaala lia Efeso yili nilio liveeye mulindi wi litembeli lia nyasaye Aritemi, kandi mulindi wi kifananyi chaguluka kutura mwigulu.

Kwidzulitsa 4:28

Uwene yeyo mulasigamira avanyasaye valombwa na makono ga vandu, avanyasaye vavaazwa kutura ku misaala na magina, avanyasaye vatanyala kolola anoho kuhulira, kulia anaho kufunyiriza.