Zaburi 114:2 - KITABU KITAKATIFU

² Yahova yakola ihiiri ya Yuda kuva avandu vatakatifu veve Isiraeli vaagwa miandu jije.

Zaburi 114:2 ပူးပေါင်းရင်းမြစ်များ

Kutwula 15:17

Ivi wavaleeta kandi wavaviika ku kiguru chicho, ha vundu ha ivi, O, Yahova, umali kotovola kuva hango hoho, litembeli lia ivi mwene umali kwumbaka.

Kutwula 25:8

Kuduuka avandu vanombere lihema hatakatifu, kunduuki komenya hagati haavo.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Kyavalevi 11:45

Inzi mbeeye Yahova, uwamuleta kutura mu kivala cha Egebeti kunangwa inzi nduki kuva Nyasaye winyu. Kunangwa kuduuka muve avatakatifu kigira inzi mbeeye mutakatifu.”

Kwidzulitsa 23:14

mulombe ahokososa hinyu have halahi, kigira Yahova Nyasaye winyu agendaa hokososa hinyu kumukinga nokumuha uvuguuti ku avasigu vinyu. Mutakoli kindu kidamanu kinyala kokora Yahova amuleke mba.

Kwidzulitsa 27:12

“Inyima wu kwambuka mugera gwa Jorodani, zihiiri yizi zilasingila ku Kiguru cha Gerizimu lwu vugasu vuhaanawa ku vandu yava: Simioni Levi, Yuda, Isakari, Josefu na Benjamini.

Kwidzulitsa 27:9

Kunangwa Musa harara na vasaalisi, vandu vi ihiiri ya Levi, vavoolera avandu va Isiraeli vosi, ndi “Mukiring'ane O, Isiraeli, na mumbulirizi! Kalunu mumali kugwa avandu va Yahova Nyasaye winyu;

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.