Zaburi 112:9 - KITABU KITAKATIFU

⁹ Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 112:9 ပူးပေါင်းရင်းမြစ်များ

Zaburi 111:3

Viosi viakolaa vizuyi uluyali kandi uvukumi kandi; uvulungi vwivwe vuhindiraa mihiga ni mihiga.

Zaburi 112:3

Avinyumba yeeye valava avahinda kandi avatugi; kandi alava nilimedeka lie miandu mihiga ni mihiga.

Zaburi 75:10

Nyasaye alavunanyia zinguru ku vandu vachamu, navuzwa zinguru zia vandu valungi zilanenehizwa ligali.

Zaburi 92:10

Ivi umali kokora inzi kuva nizinguru ligali kuli embogo; umali kuungasiza nuvusangali.

Zaburi 92:11

Mali kolola liguutwa lia vasigu vange kandi mali kuhulira lilira lia avachamu.

Tsing'ano 14:24

Vandu vageri vanyoola madanyi gi miandu, navuzwa vandu avasiru vamanyikana kigira vusiru vwavo.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 21:26

goosi agakolaa nu kuganagana ku viayenyaa kuva navio. Navuzwa mundu mulungi ahaanaa nu mwoyo gwosi.

Kohelethu 11:6

Utage vuguza ing'inga ya mugamba kandi ing'inga ya mugolova, kigira siumanya niiva viosi vilamera vulahi anaho vitagwa vilala vilakola vulahi kuvita vindi mba.

Kohelethu 3:6

Ing'inga yu kwenyeleriza kandi ing'inga yokogotiza; ing'inga yu kuviika kandi ing'inga yu kusiuva.

Isaya 32:8

Navuzwa mundu wuluyali akolaa vindu nu vusuuvirifu, kandi aveeye muduukiru mu vindu viu vulungi.

Isaya 58:10

nimuhaana viukulia ku avinzara nuvuhaani vwosi, nukwigutiza lienya lia yavo avaveeye mu kivi, hene yaho uvulavu vonene vulamwakira mu zing'inga zie kisundi, kisundi chienyu kilava kuli mbasu hagati.

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Matayo 6:4

Uhaane ovokonyi vuvwo muvwivisu, na Baba woovo ololaa agivisa alakuha amadanyi.

Marko 14:7

Munyi muvezaa na avadaka vuli kazozo, na munyala kuvakonya ing'inga yoosi ya muyanzaa.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 16:9

Yeso yaazizagilira kovora, “Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu.

Luka 18:22

Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Yohana 13:29

Kigira Yuda yaali muviiki wa mabese, avalala kuvo vaganagana Yeso ya muvooleraa azie kugura vindu vienyeka mu lisavo, anoho ahaane kindu choosi ku avadaka.

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Vikolwa 4:35

ni valetera avatumwa mabese gi vindu viagulizwa, ni zigavulirwa vandu vosi, samulala kolondekana ni lienya lilie.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Kwidzulitsa 15:11

Valava ho kazozo vandu va Isiraeli vadaka kandi avaveeye nilienya, kulwayago mulagaa muve avahaani ligali kuvo.

Kwidzulitsa 15:14

Mumuhe nu vuhaani vwosi kutura ku via Yahova amli kumugasiza navio; chayo cha magondi, viamo viu vuswage kandi iwaini.

Kwidzulitsa 24:13

Mulamwilanyira kihambiliru chiche vuli hamugorova, kunangwa ave unyala kogonera zinguvu zizie. Maku, alamusandiza, kandi Yahova Nyasaye winyu alayanzizwa ni munyi.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

Likunula 22:11

Leka oyo okolaa vudamanu ameede kokora vudamanu ligali. Leka oyo oveeye ni kivihiri ameede kokora kivihiri. Leka oyo okolaa vulahi ameede kokora vulahi. Leka oyo oveeye mutakatifu ameede kuva mutakatifu.”

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.