Zaburi 112:4 - KITABU KITAKATIFU

⁴ Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 112:4 ပူးပေါင်းရင်းမြစ်များ

Ayubu 11:17

Kandi livamwoyo liilio lilava nu vwaku kuvita uvulavu vwa mbasu hagati; na kisundi chalio kuli uvulavu vwa mugambazuri.

Ayubu 22:28

Ulagasizwa mu goosi ga okola, kandi uvulavu vulang'ereng'ana mu zinzira zizio ziosi.

Ayubu 29:3

Ing'inga yeyo ya Nyasaye yang'ereng'ana ku inzi, kandi ndaagenda mu vulavu vwivwe kuvitira mu kisundi.

Zaburi 106:1

Mwizominye Yahova! Musandizi Yahova kigira aveeye mulahi; uvuyanzi vwivwe vuhindiraa mihiga ni mihiga.

Zaburi 116:5

Yahova aveeye wizimbavasi kandi umulahi. Nyasaye wiitu aveeye wilivererera.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 37:6

Yahova alakola uvulungi vuvwo vong'ereng'ane kuli uvulavu vuturaa ku iliuva.

Zaburi 97:11

Uvulavu vwaka ku vandu valungi, kandi uvusangari vwaka ku valahi ligali.

Tsing'ano 21:21

Ove ni zimbavasi kandi musuuvirifu na ulahindira, avandi valahaana luyali kuivi kandi valakokolera vulahi.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Isaya 58:10

nimuhaana viukulia ku avinzara nuvuhaani vwosi, nukwigutiza lienya lia yavo avaveeye mu kivi, hene yaho uvulavu vonene vulamwakira mu zing'inga zie kisundi, kisundi chienyu kilava kuli mbasu hagati.

Isaya 58:8

“Nimukora ndio hene yaho uvugasu vwange vulaaka ku munyi kuli liuva liu mugamba kandi zimbala zienyu zilahona vwangu. Vikolwa vienyu vilungi vilamwimilira; na inzi ndamulinda ku zimbega ziosi kigira uvukumi vwange.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Luka 6:36

Muve ni zimbavasi kuli Baba winyu aveeye ni zimbavasi.

Yohana 12:46

Inzi mali kuuza mu kivala kuli uvulavu. Kunangwa mundu kuvoosi usuviraa mu inzi avuli kutigala mu kisundi.

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Vafeso 5:15

Kigira yaga, muhenze vulahi kuli mumenyi. Mutamenya kuli avandu vasiru, navuzwa kuli avandu vovogeri.

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

1 Yohana 2:29

Munyi mumanyi vulahi ndi Kristo aveeye umulungi; kunangwa gamudukira mumanye ndi mundu woosi okolaa agaveeye malungi aveeye mwana wa Nyasaye.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:7

Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.