Zaburi 110:7 - KITABU KITAKATIFU

⁷ Mwami alanwa amazi kutura mu mugera gwu kunzira, kandi niyakanyoola zinguru alasingira mu vuguuti.

Zaburi 110:7 ပူးပေါင်းရင်းမြစ်များ

Ayubu 21:20

Leki avoni vanyoore amageri gaavo aveene. Leki vahevwe uvutima vonene vwa Nyasaye Wuvunyali.

Zaburi 102:9

Ndiza ligoke kuli chukulia, amaliga gazuganyiywi ni chukunwa change.

Zaburi 27:6

Kunangwa, ndaguuta avasigu vange avamali kungumberiza. Ndahaana visiuviliru ku Yahova mu Litembeli lilie ni zinyimbu ziuvusangali. Ndimba lwimbu lwu kwizominya Yahova.

Zaburi 3:3

Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Jeremia 23:15

“Kunangwa, yaga nigo aga inzi, Yahova Wuvunyali, mboraa kigira vaporofeti va Jerusalemi: inzi ndavaha vitagwa vilulu valie kandi isumu vanwi, kigira vamali kulandiza agataveeye guvulungi mukivala choosi.”

Jeremia 52:31

Mu muhiga gwa Evili-Merodaki yagwa mwami wa Babiloni, yamanyia zimbavasi ku mwami Jehoyakini wi Ivuyuda ku limuvoholola kutura muvuhambe. Yaga gekoleka ku lidiku lia 25 liu mweli gwa 12 gwu muhiga wa 37 inyima wa Jehoyakini yaali navuguliywi kuli muhambe.

Matayo 20:22

Yeso yativulira avayaayi zana, “Mumanyi cha muteeva mba. Munyi munyala kunwa ekekombe chu vusaliri icha mbeeye ahimbi kunwa?” Navo vamutivulira, “Kunyala.”

Matayo 26:42

Yeso yazia lwa kaviri nasaara; “Baba wange, niganyalika kekombe chu vusaliri yiki kimbiti mburi kukinwa, navuzwa uvulariri vuvwo vokolwi.”

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Yohana 18:11

Yeso yavolera Petero, “Yiranyia kivavi mu lwula. Uganaganaa inzi mburi kunwa kekombe chu vusaliri cha Baba wange yamba? ”

1 Petro 1:11

Vageriza kwenya kumanyiriza ni ing'inga ki, kandi ni liiva lia lugano ki lwa Roho wa Kristo alilolekiza uvusaliri vulinyoola Kristo nu vukumi vuliva ho inyima wa yaga.

Vakalagi 15:19

Maku Nyasaye yafudula iliriina mwilova ha Lehi, kandi amazi gaturaa mu. Samusoni yaanwa amazi ma natanga kuhulira vulahi. Ikisinuchi zana yicho chalangwa Hakore. Ikisinukiru zana yiki kikiri ha Lehi kuduuka kalunu.