Zaburi 110:2 - KITABU KITAKATIFU

² Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 110:2 ပူးပေါင်းရင်းမြစ်များ

Zaburi 72:8

Uvwami vwivwe vuladuuka kutura kunyanza kuduuka kunyanza, kutura ku mugera gwa Efurate kuduuka ku keheri chi lirova.

Kutwula 7:19

Yahova yavolera Musa, “Volera Haruni avuguli imbimbu yeeye kandi anyiiri mukono gwigwe agiviiki ku amazi gi migera jiosi notogera kali ku zinyanza na madavalia goosi mu Egebeti. Amazi galagwa amasahi, kandi kivala choosi kilava amasahi kali mu viju via magina.”

Kutwula 8:5

Yahova yavolera Musa, “Volera Haruni anyiiri imbimbu yeeye agesone kumigera, muvisinukiru, nukumadavalia, akole amakere gasinuki igulu ma giizuri nukukunika kivala choosi cha Egebeti.”

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Jeremia 48:17

“Musiomere ihiiri ya Moabu, munyi avandu vamenyi ahimbi, kandi munyi vosi avamanyi ulusuma. Muvoore, ‘Liamiiha liezingulu lie ihiiri yiyi limali kutulizwaho; uvukumi vwayo nizinguru ziayo siziveeho kandi mba.’

Ezekieli 19:14

Kitinya chu muzabibu yigu chaali nu muliru, muliru gwasamba zisia ziagwo na makuyu gagwo. Zisia si zilakave nizinguru kandi mba, si zilakave imbimbu yizingulu yu vwami kandi mba. Yilu nulwimbu lwovovereri; lumali kwimbwa haali kanyingi.

Ezekieli 47:1

Umundu oyo yambira inyima mu vwingiliru vwi Litembeli. Mazi gaali nigaturaa hasi mu vwingiliru kandi nigazizaa Ivugwi, kolovega lwi Litembeli liahenza. Giturukaa hasi kutura isi we kedonye chi Isavaalu kolovega lwu vwali.

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.