Zaburi 11:4 - KITABU KITAKATIFU

⁴ Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Zaburi 11:4 ပူးပေါင်းရင်းမြစ်များ

1 Kyetsinyinga 17:5

Kutura ing'inga ya ndahonyia avandu va Isiraeli kutura Egebeti kuduuka lero, inzi ngikiri komenya ku mu Litembeli mba; vuli kazozo menyaa mu Mahema ning'endagenda vuzwa kutura yaaha kuzia hala.

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Zaburi 103:19

Yahova yamala kusingiriza endeve yeeye yu vwami mwigulu; kandi yamiha ku vindu viosi.

Zaburi 113:5

Si haali numulala kuli Yahova Nyasaye wiitu. Amenyaa igulu mwigulu,

Zaburi 139:23

O, Nyasaye, ambenzeriza ligali na umanye zing'anagani ziange. Ongerize na umanye zing'anagani ziumwoyo gwange.

Zaburi 14:2

Yahova ahenzaa ku vandu vosi kutura mwigulu, alole niiva haveeye ho na mulala oveeye mugeri, kandi niiva haveeye ho na mulala umusigamiraa.

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Zaburi 2:4

Yahova Nyasaye uwikala igulu mwigulu asekeliza kandi avakolera kehenyahenye.

Zaburi 33:13

Yahova aheenzaa hasi kutura mwigulu; kandi alolaa avandu vosi.

Zaburi 44:21

ivi Nyasaye wiitu waali unyala kumanya, kigira ivi umanya zing'anagani zietu ziu muvuvisi.

Zaburi 66:7

Nyasaye yamiha ni zinguru zizie mihiga ni mihiga, kandi zimoni zizie zihenzaa ku zihiiri ziosi. Avibaali vatahing'ana naye mba.

Zaburi 9:11

Mwimbi zinyimbu ziu kwizominya Yahova, wamihaa mu Ziyoni! Mu volere zihiiri ziosi makuva gi vindu viosi viokogenyia viamali kokora.

Tsing'ano 15:3

Yahova alolaa chekoleka havundu hoosi, akohezaa lwa kokoraa vulahi anoho vudamanu.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Mika 1:2

Muhuliri yaga munyi zihiiri ziosi; hulirizi ku amakuva yaga, vosi avamenyi ku lirova! Yahova Wuvunyali alava mulolekizi ku vindu vidamanu via mwakora. Muhuliri! Yahova amolomaa kutura mu litembeli lilie Litakatifu.

Habakuk 2:20

Yahova aveeye mu Litembeli lilie Litakatifu; gaduukanaa vuli mundu woosi akiring'ane imbiri weve.

Zekaria 2:13

Vuli mundu akiring'ane imbiri wa Yahova, kigira yaazaa kutura hatakatifu hehe.

Matayo 23:21

Uwisuuhaa ku Litembeli, yisuhaa ku Litembeli kandi ku Nyasaye omenya mulio;

Matayo 5:34

Navuzwa kalunu inzi muvooleraa ndi mutisuuha lwa mulomba lilagana mba. Mutisuuha ku ligulu, kigira liveeye endeve yu vwami vwa Nyasaye;

Vikolwa 7:49

‘Mwami Nyasaye avoora, Ligulu liveeye kuli endeve yange yu vwami, ni lirova liveeye endeve yu kuviika ku ivirenge viange. Kunangwa, ninyumba ya lugano ki ya munyala kunyumbakira? Ni hayi ha inzi sosera?

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Likunula 4:2

Nonoho ndiizura Roho, mwigulu yimwo, yaliho endeve yu uvwami mulala yikala kuyo.