Zaburi 109:12 - KITABU KITAKATIFU

¹² Hatava ho nu mundu kali mulala umuvererera mba, anoho uvilukiza vavisandu mba.

Zaburi 109:12 ပူးပေါင်းရင်းမြစ်များ

Ayubu 5:4

Avayaayi vaavo sivanyala konyoora vohonyi; na sihali ho nu mundu unyala kuvakinga lwa vasingira mu kiyaalo mba.

Isaya 13:18

Valiita avasoleri nu vuta na matimu gaavo. Si valavererera avana avadoto mba.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Matayo 27:25

Avandu vosi vavoola, “Amasahi geege gave ku kunyi, kandi ku vana viitu!”

Luka 6:38

Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.”

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.