1 O, Nyasaye nzizominyaa ivi, utakiring'ana mba.
Ivi oveeye Nyasaye wange ndahaana lizominya ni lisandiza ku ivi, ndalandiza ovonene vuvwo.
O, Yahova, mukingi wange, nzanira ku ivi, huliriza ku lilira liange! Niiva ulavula kundivulira, ndava mulala ku yavo aviikaa mu kivala cha vakuzu.
O, Nyasaye, utachiring'ana mba; anoho utakiring'ana makiriri, kandi utava nilielemeriza mba.
Henza! Avasigu vovo vakora liebaala, kandi yavo avakudunyiraa vamali kokokolera kivihiri.
Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe
Nyasaye avoora, “Ndakahiring'ana ku ing'inga indambi, si ndahaana amativuli ku avandu vange mba. Navuzwa kalunu ing'inga yekekolwa imali kuduuka; ndiraa vudinyu kuli mukali oveeye mu lilumwa liu kwivura umwana.
O, Yahova, ombonyie na ndahona ligali; osoore na inzi ndahona ligali. Ivi niye wa inzi nzizominyanga!
Mumwizominyi, aveeye Nyasaye winyu, niyie wamukolera vindu vinene kandi viokogenyia yivi viamumali kolola nizimoni zienyu munyi aveene.
