Zaburi 108:11 - KITABU KITAKATIFU

¹¹ O, Nyasaye, ivi ligali umali kukusuura? Ivi na mahi giitu, ulazia nikunyi kulwaana avasigu viitu?

Zaburi 108:11 ပူးပေါင်းရင်းမြစ်များ

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

Zaburi 44:9

Navuzwa kalunu, ivi umali kokoleka kandi umali kukuviika mu liguutwa, sinzizaa harara na mahi giitu kuzia kulwaana avasigu viitu mba.

Livalidza 10:9

Lwamuzia kulwaana avasigu vamudambiza mu kivala chiinyu, maku mulakuba visiliva; ninzi Yahova Nyasaye winyu ndamukonya kandi ndamuhonyia kutura ku vasigu vinyu.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.