Zaburi 107:7 - KITABU KITAKATIFU

⁷ Yahova yaavimilira kunzira inungi, kandi nivaduuka mu lidaala linene lia vaali vanyara komenya mu.

Zaburi 107:7 ပူးပေါင်းရင်းမြစ်များ

Nehemia 11:3

Mu madaala manene gandi na madaala makekeeke, avandu va Isiraeli, avasaalisi, vandu va Levi, avasaza vayinziri mu Litembeli, na visukululwi va avatumikiri va Solomoni vamenya mu miandu jiavo vene mu madaala makekeeke gaavo. Yava nivo avandu vo losoma lwi kivala chi Ivuyuda avamenyaa mu Jerusalemi:

Zaburi 107:36

Yaleka, avandu vi inzara ni vamenya yo, kandi vumbaka lidaala linene lio komenya mu.

Zaburi 107:4

Avalala ku munyi vagendagenda mu changalangwe, navuzwa sivanyoola inzira yaavo yavaziira ku mu lidaala linene lia vamenya mu mba.

Zaburi 136:16

Yimilira avandu veve kuvitira mu changalangwe; kigira uvuyanzi vwivwe vuhindiraa mihiga ni mihiga.

Zaburi 77:20

Ivi wimilira avandu vovo kuli mwayi wi chayo cha magondi, kandi watovola Musa na Haruni kuva vimiliri vaavo.

Zaburi 78:52

Maku, yimilira avandu veve nivatura kuli mwayi wa magondi, kandi naavimilira kuvitira mu changalangwe.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 32:18

Avandu va Nyasaye valava avavoholore kutura mu lihenda mwoyo liavo. Hango haavo halava hovomenyo vwi likingwa kandi hi mirembe.

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Jeremia 31:24

Avandu valakamenye Ivuyuda kandi mu madaala gayo, kandi avalimi valakaveyo harara navayi niviayo viavo.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Livalidza 9:22

Niiva malesi gakunikaa Lihema ku ing'inga ya madiku gaviri noho mweli mulala anoho muhiga mulala, anoho madiku manyingi avandu va Isiraeli vamenya havundu yaho, si visunda havundu handi mba. Navuzwa lwa malesi gaturaa ku Lihema, visunda havundu handi.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

2 Petro 2:15

Vamali koleka inzira inungi, ma vaagoti nokolonda inzira ya Balaamu mwana wa Beori, uwayaanzilira konyoora uvukala ku likora uvudamanu.

2 Petro 2:21

Vwakaveeye vulahi ligali kuvo, valavula kumanya inzira yu vulungi, kuvita kugimanya kandi viirana koleka amalago matakatifu gavahevwe.