Zaburi 107:43 - KITABU KITAKATIFU

⁴³ Vosi avaveeye avageri, vaganagane ku makuva gi vindu yivi; kandi vaduuki kuganagana ku vuyanzi vwa Yahova vutaveeye ne keheri.

Zaburi 107:43 ပူးပေါင်းရင်းမြစ်များ

Zaburi 28:5

Sivaganaganaa ku vindu via Yahova amali kokora mba. Anoho ivia Yalomba; kandi alavadiviza mihiga ni mihiga.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Zaburi 64:9

Maku avandu vosi valatia; valaganagana ku aga Nyasaye amali kokora, nukulandiza amakuva givikolwa vivie.

Isaya 42:20

O, munyi avandu va Isiraeli, muveeye ni zimoni kolola, navuzwa simulolaa mba. Muveeye na amatu kuhulira, navuzwa simuhuliraa mba.”

Isaya 5:12

Mu lilia lienyu musangalaa nimukuba uvukana, amadungu, amarere, kandi zisugudi, kandi ni munwa iwaini. Navuzwa simuveeye ni limanyiriza miyinzi ja Yahova Nyasaye akola mba.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Jeremia 9:12

Inzi ndaateva, “Yahova, kigira ki kivala chasambwa kandi chayumba kuli changalangwi, kunangwa umundu kali mulala sianyala kuvitiramu mba? Nivwaha oveeye umugeri kumanyiriza yaga? Nivwaha wawavoolera yaga kunangwa aduuki kovoolera avandi?”

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Danyeli 10:12

Maku yambolera, “Danieli, utatia mba Nyasaye umali kuhulira lisaala liilio kutura ing'inga yu kutanga lwa watovola kwegehiza kunangwa onyoore limanyiriza. Inzi mali kuduuka kigira gi lisaala liilio.

Danyeli 12:10

Avandu vanyingi valakitakase kandi valakekole kuva valungi kandi vasiyiku, navuzwa vandu vachamu valakakole vuchamu, kandi sialakaveho mundu muchamu ulakamanye mba. Navuzwa vandu vageri veng'ine nivo avalimanya.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.