Zaburi 107:38 - KITABU KITAKATIFU

³⁸ Yahova yagasiza avandu veve ni vameedeka mu livulana ligali; kandi mitugu jaavo jameedeka ligali.

Zaburi 107:38 ပူးပေါင်းရင်းမြစ်များ

Litanga 1:28

Yavagasiza kandi navavoolera, “Mwivulane kandi mumedeke na mwizuli lirova kandi mu liamihi kandi mwamihi zisuzi kandi vilombe viosi viu mu mazi; manyonyi goosi gu mu ligulu kandi ku lirova, vimolaa ku lirova, mitugu kandi zinyama ziosi ziu muvulimu.

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 17:16

Inzi ndamugasiza, kandi ndamuha mwana muyaayi. Ndamugasiza kandi alava mama wi zihiiri zinyingi, kandi avami valakatuli mu visukululwi vivie.”

Litanga 17:20

Inzi mali kuhulira lienya liilio kigira Ishimaeli, kunangwa ndamugasiza kandi ndamuha avana vanyingi kandi visukululwi vinyingi. Alakave baba wa avami 12 kandi ndakakole visukululwi vivie kuva ihiiri enene.

Litanga 30:43

Yakobo yagwa mutugi ligali munzira kuli yiyi. Yaali niviayo vinyingi, vatumikiri vakali na vasaza, zing'amia kandi zibunda.

Litanga 31:9

Nyasaye amali kuvugura chayo cha baba winyu na yamali kuhaana ku inzi.

Litanga 9:1

Nyasaye yagasiza Nuhu navayayi veve kandi navoora, “Mwivulane kandi mumedeke, kunangwa visukululwi vienyu vimenye mulirova liosi.

Ayubu 12:23

Nyasaye alombaa zihiiri kuva zie zinguru kandi zinene ligali, kandi azidiviza; avambalarizaa zihiiri kandi azituliza ho.

Kutwula 1:12

Navuzwa kali niiva vandu va Egebeti vameeda kudambiza vandu va Isiraeli, nilwo lwa vandu va Isiraeli vameedeka kuva vanyingi mu kivala. Kunangwa vandu va Egebeti vaatia vandu va Isiraeli ligali.

Kutwula 1:7

Navuzwa vandu va Isiraeli viivulana nivagwa avanyingi ligali, kandi vizingulu ligali ma niviizura mu kivala cha Egebeti.

Kutwula 12:38

Muganda gwa avandu vandi vazia harara navo ni mitugu minyingi ja amagondi, zimburi ni zing'ombe ziavo.

Tsing'ano 10:22

Uvugasu vwa Yahova vulakuha vutugi, navuzwa liyinzira vudinyu si lilakokola mutugi mba.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Kwidzulitsa 28:11

Yahova alamuha avana vanyingi, zing'ombe zinyingi, ni viamo vinyingi mu kivala cha Yahova Nyasaye winyu yasuuviriza kuhaana ku avaguuga vinyu.

Kwidzulitsa 28:4

“Yahova alamugasiza na avana vanyingi, niviamo vinyingi kandi ni mitugu je zing'ombe na magondi manyingi.

Kwidzulitsa 30:9

Yahova alamugasiza mu viosi viamukoraa ku lwivulu lwi zinda zienyu, kandi lwivulu lwi mitugu jinyu kandi liama linyingi lie milimi jinyu; alava nuvusangali nu kumugaasiza kuli yagasiza avaguuga vinyu.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

Kwidzulitsa 7:14

Mulagasizwa mu vutugi kuvita avandu vandi vosi. Sihalava ho numundu anoho mitugu jivula kwivura kali hakuzu mba.