Zaburi 107:22 - KITABU KITAKATIFU

²² Kuduuka vamusandizi ni visiuviliru, kandi vamusandize ni zinyimbu ziu vusangali. Kigira vindu vivie viokogenyia via yavakolera.

Zaburi 107:22 ပူးပေါင်းရင်းမြစ်များ

Zaburi 116:12

Nyara kuhaana ki ku Yahova, kigira uvulahi vwivwe vwosi ku inzi?

Zaburi 116:17

Ndakuha kisiuviriru chi lisandiza, kandi ndahaana lisaala liange ku ivi.

Zaburi 118:17

Inzi si ndakuza mba, navuzwa ndava mwoyo, kandi ndalandiza vikolwa viokogenyia via Yahova amali kokora.

Zaburi 27:6

Kunangwa, ndaguuta avasigu vange avamali kungumberiza. Ndahaana visiuviliru ku Yahova mu Litembeli lilie ni zinyimbu ziuvusangali. Ndimba lwimbu lwu kwizominya Yahova.

Zaburi 50:14

Lisandiza lienyu, live kuli ivisuuviliu vienyu ku inzi, Nyasaye winyu kandi muhaane ku inzi Uwanyala Viosi, viosi via mwalaga.

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Zaburi 9:11

Mwimbi zinyimbu ziu kwizominya Yahova, wamihaa mu Ziyoni! Mu volere zihiiri ziosi makuva gi vindu viosi viokogenyia viamali kokora.

Zaburi 9:15

Avandu vi zihiiri vamali kugwa mu vogo vwa veene vayava, vamali kuhambwa mu mutego gwa aveene vatega.

Isaya 12:4

Lidiku lizaa lwa vandu valimba, “Musandize Yahova! Mwanili kuye amukonye! Muvoolere zihiiri ziosi icha amali kokora! Muvavolere kuli aveeye munene!

Kyavalevi 7:12

Niiva mundu alahaana kihanwa yiki kuli kihanwa chi lisandiza ku Nyasaye, hene yaho, alahaana harara nu mutugu guhaanwa, kuli kisiuviriru mugadi gutaveeye mu na mamera uguzuganyiywi mu na maguta ga muzeituni, visikuti vivakiywi maguta ga muzeituni, anoho viabati vitaveeye mu namamera vivakiywi maguta ga muzeituni, anoho zikeki zialombwa ku vusie vunyuki zizuganyiywi mu namaguta ga muzeituni.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.