Zaburi 107:14 - KITABU KITAKATIFU

¹⁴ Yahova yavatuliza mu kisundi kenene kandi mu chiriri chi likuza, kandi nakalanyia minyororo javavohaa.

Zaburi 107:14 ပူးပေါင်းရင်းမြစ်များ

Ayubu 15:22

Mundu uyu siaveeye ni lisuuvira ndi alahona kutura mu vudinyu vwi kisundi mba, kandi kivavi keveeye havundu kimulindaa ku mwita.

Ayubu 15:30

kandi si alahononoka kutura mu kisundi mba; alava kuli musaala gwi zisia zitemangwa ma ziviikwa mu muliru ma ziaduka, na Nyasaye alamuhuuza nu vukindu kuli kimuli na alatulaho.

Ayubu 19:8

Anyinyi inzira yange kunangwa mburi kuvita, kandi uviiki kisundi mu zinzira ziange.

Ayubu 3:5

Ulikole live lidiku lie kisundi, kandi liokovereriza, chiriri kimwamu kikunikwi na malesi ligali; kandi uvumwamu vwi kisundi vulitiihizi.

Ayubu 33:30

Nyasaye ahonyia livamwoyo liu mundu kutura mu vogo, kandi aduuki kolola uvulavu vwi livamwoyo.

Ayubu 36:8

Navuzwa niiva vavofwa vudinyu ni minyororo, nukugumirwa mu migoye ji lidambizwa linene,

Zaburi 102:20

Yahulira likenya lia vahambe, kandi yaavoholora yavo avaari nivakalagirwa likuza.

Zaburi 107:10

Avalala ku munyi mwamenyaa mu kisundi kenene kandi mu chiriri chi likuza, mwali avahambe avavofa niminyororo jisalirizaa ligali.

Zaburi 116:16

O, Yahova, inzi mbeeye mutumikiri woovo; ngutumikiraa vuzwa kuli mama wange yaandumikira. Ivi umali kombonyia kutura mu likuza.

Zaburi 146:7

Ahaanaa likalaga liu vulungi ku avadambizwa; kandi ahaanaa chukulia ku avinzara. Yahova avohololaa avahambe,

Zaburi 68:6

Nyasaye ahaanaa ku vadambi hango ho komenya, avohololaa avahambe nukuvaha uvweremelizi. Navuzwa avibaali valamenya mu changalangwe.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 49:9

Ndavolera avahambe ndi, ‘Muve avavoholore!’ Kandi ndavolera yavo avaveeye mu kisundi ndi, ‘Hambi mu vulavu!’ Valakave kuli amagondi gaveeye nu vwayiru ku vigulu.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Luka 13:16

Sivoveeye vulahi mukali uyu, kisukururwi cha Aburahamu, wa Setani yaali niyavoha ku mihiga likomi na munane, avohololwe kutura mu livofa liu vulwaye vwivwe ku lidiku lie Lisabato?”

Vikolwa 5:19

Navuzwa vudiku yivwo engelosi wu Mwami yigula virivwa viu muvuhambe, naavimilira kutura ichova, na avavoolera,

Vikolwa 5:25

Maku mundu mulala yaza aha vakulundu vavunga na avavoolera, “Huliri! Avandu va muvohi muvuhambe vaveeye mu Litembeli lwene yilu, vigiza avandu!”

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.