Zaburi 107:12 - KITABU KITAKATIFU

¹² Vaaluha ligali kuturana ni miyinzi midinyu; kali vaali vanyara kugwa hasi vugira mundu wu kuvakonya.

Zaburi 107:12 ပူးပေါင်းရင်းမြစ်များ

2 Avami 14:26

Yahova yalora uvusaliri vululu vwa Visiraeli; sihaali ho nu mundu wu kuvakonya kali hakuzu.

2 Avami 6:33

Yaali nakikiri kumala livoora yaga lwu mwami yaduuka navoora, “Ni Yahova umali kokora vudinyu yivu vwosi vuuzi ku kunyi! Kigira ki ni ndiliri kuduuka lwa Yahova akola kindu kokokonya?”

Nehemia 9:37

Kigira uvwoni vwitu, ligesa linyingi lie kivala yiki lizizaa ku avami va ivi wavika ku kunyi vakwamihi. Vamiiha kunyi kandi mitugu jietu, kuli vayanzi. Kunyi koveeye mu liverera linene ligali!”

Ayubu 9:13

Nyasaye sianyala kugirung'anyia uvutima vwivwe mba; yashonoranyia avasigu veve avakonya Rahabu ukuhingana naye.

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Zaburi 22:11

Utava ihale ku inzi mba! Ikivi, keveeye ahimbi; na sihali numulala wokongoonya.

Kutwula 2:23

Inyima wimihiga yijo josi, mwami wa Egebeti yakuza, navuzwa vandu va Isiraeli vaali nivakekenya ligali kigira uvusaaliri vwavo mu vutugwa, nivenya vokonyi. Lilira liavo liadukira Nyasaye;

Isaya 51:23

Ndanwehiza avadambizi vinyu kekombe yicho. Yavo avamukola mugone hasi mu zinzira. Ni vakora migongo jinyu kuli lirova, kandi kuli inzira yaavo yukuvitira ku.”

Isaya 52:5

Na kalunu, kindu kilala chere kimali kwekoleka mu Babiloni. Muveeye avahambe, vugira kindu kutungwa kigira munyi. Yavo avamiiha ku munyi viyizominya niveevoola kandi vamanyiaa lilegeriza ku inzi.

Isaya 63:5

Na ndaali niligenya lwa ndahenza nokolola ndi sihali nu mulala wokongoonya. Ndahuga nukutia ligali kolola ndi si haali ho nu mulala wukunyunga mukono. Kunangwa ndanyoora liguuta kuzinguru ziange umwene, na uvutima vwange vululu vwangonya.

Vakalagi 16:21

Vandu va Filisitia vamugumira nivatuliza zimoni zizie ma nivasulunguta naye mu lidaala lia Gaza nukumuvoha ni minyororo jumugasa. Vamuniga kusia ku lugina muvuhambe.

Vakalagi 16:30

Samusoni yahanzuka navoora, “Leka nguzi na vandu va Filisitia!” Maku yalumba izitiiru ni zinguru zizie ziosi. Maku litembeli liagwa ku vimiliri vosi, harara na vandu vaali mu vosi. Samusoni yita avandu avanyingi mulikuza lilie kuvita vayaali niyiita lwa yaali mwoyo.