Zaburi 107:10 - KITABU KITAKATIFU

¹⁰ Avalala ku munyi mwamenyaa mu kisundi kenene kandi mu chiriri chi likuza, mwali avahambe avavofa niminyororo jisalirizaa ligali.

Zaburi 107:10 ပူးပေါင်းရင်းမြစ်များ

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

Ayubu 3:5

Ulikole live lidiku lie kisundi, kandi liokovereriza, chiriri kimwamu kikunikwi na malesi ligali; kandi uvumwamu vwi kisundi vulitiihizi.

Zaburi 105:18

Vaamuvoha virenge ni minyororo, kandi iniira yikivia yavofwa mwigoti mwimwe,

Isaya 42:7

Ulahonyia yavo avaveeye avavoku, kandi ndatuliza muvuhambe mu vogo kandi ndatuliza mujera yavo aviikalaa mu kisundi.

Isaya 9:2

Avandu vagenda mu kisundi vamali kolola uvulavu vonene ligali. Vamenya mu kivala chi viliri, navuzwa kalunu uvulavu vumulikaa kuvo.

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Matayo 22:13

Hene yaho mwami yavolera avatumikiri veve: ‘Muvohi amakono ni virenge, mu siuvi mu kisundi ichova. Uwene yeyo alalira nu kudiedieyiza amiinu.’ ”

Matayo 4:16

Avandu vaali nivamenya mu kisundi valoli uvulavu vonene. Kandi yavo avaamenyaa mu kivala chi chiriri chi likuza, uvulavu vong'ereng'ani kuvo!”

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”