Zaburi 106:7 - KITABU KITAKATIFU

⁷ Avaguuga viitu sivamanyiriza vikolwa viokogenya via Nyasaye mu kivala cha Egebeti mba. Vivilira zing'inga zinyingi lwa yavamanyia uvuyanzi vwivwe; kandi vibaara ku Wuvunyali ha Inyanza Nzakanyu.

Zaburi 106:7 ပူးပေါင်းရင်းမြစ်များ

Zaburi 105:5

Mwizurizi vikolwa viokogenyia viamali kokora; mwizurizi vilolekizu vivie kandi likalaga lia yakalaga,

Zaburi 106:45

Yahova yizuliza lilagana lilie lia yalomba navo. Yaavaverera kigira uvunyingi vwu vuyanzi vwivwe vutaveeye ne keheri.

Zaburi 5:7

Navuzwa inzi, ndingira munyumba yooyo kigira vuyanzi vuvwo vonene, na inzi ndakusigamira mu Litembeli liilio litakatifu nu kwinamiraa ivi mu vuti vonene ku ivi.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Zaburi 78:11

Vivilira icha yaali naakori, vilolekizu vinene via vaali nivaloli Nyasaye naakoraa.

Zaburi 78:42

Vivilira zinguru zizie zinene, kandi vivilira lidiku lia yavahonyia kutura ku vasigu vaavo,

Tsing'ano 1:22

“Vandu vasiru! Mulava avasiru kuduuka ing'inga ki? Mulasangalira kokolera ovegeri kehenyahenye kuduuka ing'inga ki? Muliiga ing'inga ki?

Isaya 42:20

O, munyi avandu va Isiraeli, muveeye ni zimoni kolola, navuzwa simulolaa mba. Muveeye na amatu kuhulira, navuzwa simuhuliraa mba.”

Isaya 44:18

Avandu kuli yava vaveeye vasilu ligali kali sivanyala kumanya icha vakora mba. Vakunika zimoni ziavo kunangwa vavuli kolola; kandi vakunika zing'anagani ziavo kunangwa vavuli kumanyiriza.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Lisyoma lya Jeremia 3:32

Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Marko 4:12

Kunangwa, ‘Lihenza valahenza ligali, navuzwa si valalola mba lihulira valahulira ligali, navuzwa si valamanya mba. Kigira niiva vakakoli ndio, vaali vakagirungani ukwilanira Nyasaye, kandi naye yakavasamiihi uvwoni vwavo.’ ”

Vafeso 2:11

Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 29:4

Navuzwa kuduuka lidiku liene yili, Yahova akikiri kumuha zing'anagani ziukumanyiriza anoho zimoni ziokolola anaho amatu gukuhulira vindu viekoleka.