Zaburi 106:45 - KITABU KITAKATIFU

⁴⁵ Yahova yizuliza lilagana lilie lia yalomba navo. Yaavaverera kigira uvunyingi vwu vuyanzi vwivwe vutaveeye ne keheri.

Zaburi 106:45 ပူးပေါင်းရင်းမြစ်များ

2 Samweli 24:16

Lwe engelosi yanyira mukono gwigwe kudiviza Jerusalemi, Yahova yaali novovereri ligali kigira ikivi kandi navolera engelosi uwaali nahaana amageri ku avandu, “Gaduuki! Lekera kuhaana mageri googo.” Engelosi wa Yahova yaali ulwene yilwo ha aloze lwa Arauna Umujebusi.

2 Avami 13:23

Navuzwa Yahova yaali mulahi kuvo kandi navavererera. Siyavaleka vadivizwi mba, navuzwa yavakonya kigira lisuuviriza lilie ku Aburahamu, Isaka na Yakobo. Akiri kwivilira avandu veve kali hakuzu.

Zaburi 105:8

Alalinda lilagana lilie mihiga ni mihiga, aladuukiza lisuuviriza lilie ku makura elefu.

Zaburi 135:14

Yahova alakinga avandu veve; alavererera avatumikiri veve.

Zaburi 136:23

Yahova siyivilira kunyi lwa kwaali ni kuguutiywi mba; kigira uvuyanzi vwivwe vuhindiraa mihiga ni mihiga.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Zaburi 69:16

O, Yahova, undivuliri makuva gilianira liange, mu vulahi vwu vuyanzi vuvwo vutaveeye ne keheri. Kolondekana ni zimbavasi zizio, yaanza ombonyie.

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Kutwula 32:14

Kunangwa Yahova yaagirung'anyia zing'anagani zizie, siyaleeta ku avandu veve kivi cha yaali navooye mba.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Jeremia 18:8

navuzwa ihiiri yeyo igirung'ane kutura kuvudamanu vwayo, inzi sindakola agandavoola ndakakole mba.

Lisyoma lya Jeremia 3:32

Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Ezekieli 16:60

Navuzwa nambane luyali ku lilagana liandalomba ni munyi lwa mwaali nimukikiri vasoleri. Nanombe lilagana ni munyi liaza lihindiri mihiga ni mihiga.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Kyavalevi 26:45

Ndalomba vuhia lilagana liange lia ndali ndalomba na vaguuga vaavo, lwa ndamanyia zihiiri ziosi zinguru ziange lwa ndaleta avandu vange vatuli Egebeti, kunangwa Inzi Yahova nduuki kuva Nyasaye wavo.”

Amosi 7:3

Yahova yagirung'anyia zing'anagani zizie navoora, “Agololi sigalakoleka mba.”

Amosi 7:6

Yahova Nyasaye Wuvunyali yaagirung'anyia zing'anagani zizie navoora, “Yaga sigalekoleka kandi mba.”

Kwidzulitsa 32:36

Yahova alakakaragiri avandu veve. Alavererera avatumikiri veve lwa lilola zinguru ziavo nizigehaa, kandi sihavaho nu mundu ulitigala mba, muhambe anoho muvoholore.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.

Vakalagi 2:18

Vuli ing'inga lwa yahova yahaana vakalagi ku vandu va Isiraeli, yakonya vakalagi yava vave nivo avahonyia vandu kutura ku vasigu vaavo madiku goosi gavalange vakalagi; kigira Yahova yalange ni zimbavasi kuvo lwavanyoolaa uvusaliru ni lidambizwa kutura ku vasigu vaavo.