Zaburi 106:2 - KITABU KITAKATIFU

² Nivwaha unyala kovora vikolwa viosi vinene viamali kokora? Anoho nivwaha unyala kumwizominya kuli gaduukanaa?

Zaburi 106:2 ပူးပေါင်းရင်းမြစ်များ

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Ayubu 26:14

Navuzwa, yaga gaveeye litanga vuzwa lie vikolwa vivie vie zinguru, yili ni limonya likekeeke vuzwa lia kuhulira mu makuva geege. Navuzwa, nivwaha unyala kumanya ligali ovonene vwi zinguru zia Nyasaye?

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Zaburi 40:5

O, Yahova Nyasaye wiitu, Ivi wamala kongolera vindu viokogenyia vinyingi; sihaveeyeho nu mulala kuli ivi mba! Viveeye vinyingi ligali ivitanyala kuvalizwa.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Vafeso 3:18

kunangwa, munyi harara na vandu va Nyasaye vosi muduuki kuva nizinguru ziu kumanyiriza uvuyanzi vwa Kristo vutaveeye nekegero.