Zaburi 104:1 - KITABU KITAKATIFU

¹ Nzizominyaa Yahova Nyasaye nu mwoyo gwange gwosi! O, Yahova Nyasaye wange, ivi oveeye munene ligali! Oveeye wu vukumi kandi wu luyali;

Zaburi 104:1 ပူးပေါင်းရင်းမြစ်များ

Zaburi 103:22

Mwizominyi Yahova, O, munyi vilombe vivie viosi viveeye havundu hoosi aha yamiha. O, nzizominyaa Yahova nu mwoyo gwange gwosi.

Zaburi 104:35

Leka avoni vadivizwi kutura ku lirova; leka avachamu vavuli kuva ho. Nzizominyaa Yahova nu mwoyo gwange gwosi. Yahova yizominywe!

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 7:1

O, Yahova, Nyasaye wange, nziza ku ivi ombe likingwa; Osoore kandi ombonyie ku yavo vosi avanondeleraa.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 95:3

Yahova aveeye Nyasaye munene ligali; aveeye mwami munene ligali igulu ku vanyasaye vosi.

Zaburi 96:6

Uvukumi novonene nuluyali vimukumbirizaa; kandi zinguru nuvulahi vizuyi Litembeli lilie litakatifu.

Isaya 59:17

Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Danyeli 7:9

Lwa ndaali ningiheenza, zindeve ziu vwami ziavikwa hene yaho. Mundu waali namenyi mihiga ni mihiga yikala ku endeve indala. Zinguvu zizie ziali zindavu kuli likonza, kandi liisu lilie liali kuli ipamba indahi. Endeve yeeye yu vukumi yavofwa ku vilenge viu muliru, endeve yiyi yaduuka lomemo lwu muliru,

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.