Zaburi 102:2 - KITABU KITAKATIFU

² Utiivisa kutura ku inzi lwa mbeeye mu vudinyu mba! Umbulirizi na undivuliri vwangu lwa nzanira ku ivi.

Zaburi 102:2 ပူးပေါင်းရင်းမြစ်များ

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Ayubu 7:21

Kigira ki uvuli kusamiiha mahiolo gange? Kandi kigira ki uvuli kutuliza ho uvudamanu vwange vwosi? Kalunu inzi ndakuza, na ulanyenya ligali, navuzwa siulandola kandi mba.

Zaburi 104:29

Lwa ugirung'ananga kutura kuvio vivezaa nu vuti ligali. Lwu utulizaa mwika gugwo kuvio vikuza ma virana ku luguchi kwa viatula.

Zaburi 13:1

O, Yahova, ulanzivirira kuduuka ng'inga ki. Mihiga ni mihiga? Ulivisa kutura ku inzi kuduuka ng'inga ki?

Zaburi 143:7

O, Yahova, yaanza undivuliri kalunu ndi! Mali kogotiza lisuuviriza liange liosi. Utiivisa umwene kutura ku inzi mba, gase ndava kuli yavo aviikaa mu kilindwa.

Zaburi 17:1

O, Yahova, hulira ligoonya liange kigira likalaga liuvulungi! Huliriza ku lianira liange kigira ovokonyi. Huliriza ku lisaala liange lisuuvirifu!

Zaburi 22:19

O, Yahova, utava ihale ku inzi mba! Ivi mukonyi wange, hamba vwangu na ombonyie!

Zaburi 27:9

O, Nyasaye, muhonyi wange utiivisa kutura ku inzi mba. Kandi utava nu vutima niinzi; utisigana mutumikiri woovo. Ivi oveeye mukonyi wange, utaandeka mba, utaang''ra mba.

Zaburi 31:2

Umbulirizi! Ombonyie kalunu! Ove uvuhaliru vwange na osoore, kandi imbinga indinyu yokombonyia.

Zaburi 40:13

Yahova, uyaanze ombonyie! Ongonye kalunu!

Zaburi 69:17

Utiivisa umwene ku inzi mutumikiri woovo mba; mbeeye mu vudinyu vonene ligali; yaanza uhaane mativuli ku lianira liange kalunu.

Zaburi 70:1

Ombonyie, O, Nyasaye! Ongonye kalunu ndi, O, Yahova!

Zaburi 71:2

Ombonyie kandi ongonye mu uvulungi vuvwo. Umbulirizi na ombonyie.

Kutwula 2:23

Inyima wimihiga yijo josi, mwami wa Egebeti yakuza, navuzwa vandu va Isiraeli vaali nivakekenya ligali kigira uvusaaliri vwavo mu vutugwa, nivenya vokonyi. Lilira liavo liadukira Nyasaye;

Kutwula 2:24

uwahulira likenya liavo ma niyizuliza lilagana lilie lia yalomba na Aburahamu, Isaka na Yakobo.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 65:24

Kali imbiri wa vakikiri kumala lisaala liavo ku inzi, ndahaana amativuli ku lisaala liavo.

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

1 Vakorintho 10:13

Magerizu ga mwanyoola gaveeye ga kazozo ku vandu. Navuzwa Nyasaye aveeye umusuuvirifu kulinda lisuuviriza lilie, naye sialamuleka mugerizwe kuvita zinguru zie liekuzira lienyu mba; ing'inga ya magerizu, alamuha vunyali vwu kwikuzira kugo, kandi inzira yukwilukira mu.