Zaburi 102:14 - KITABU KITAKATIFU

¹⁴ Avatumikiri vovo vayaanza lidaala yilio kali niiva liayononywa; valiverereraa kali niiva liveeye mu mang'anye.

Zaburi 102:14 ပူးပေါင်းရင်းမြစ်များ

Ezara 1:5

Maku aviimiliri vi zihiiri zie Ivuyuda kandi Benjamini, avasaalisi na vandu va Levi, kandi vosi ava Roho wa Nyasaye yaayugiza, vetegeka kuzia kwumbaka uvuhia Litembeli lia Yahova mu Jerusalemi.

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Nehemia 1:3

Vambolera ndi, yavo avaahonona ku liadikizwa ni vatigara yengo, vaveeye mu kivi kenene kandi mu zisoni ligali. Lidigi lia Jerusalemi liasambulwa, na Ivirivwa vialio viamala kusambwa numuliru.

Nehemia 2:17

Navuzwa kalunu ndavavolera, “Muloraa ikivi cha koveeye mu, kigira Jerusalemi liveeye mang'anye, na ivirivwa vialio viamala kusambwa mumuliru. Gendi kwumbake vuhia madigi gi lidaala linene na koherizi zisoni zietu.”

Nehemia 2:3

na ndamuvolera, “Mwami ahindiri mihiga ni mihiga! Kigira ki mburi kuva novovereri lwi lidaala linene, ilia avaguuga vange vayavirwa mu, liveeye amang'anye na ivirivwa vialio viamala kusambwa numuliru?”

Nehemia 4:10

Avandu vi Ivuyuda vaali nu lwimbu lwa viimba! “Zinguru zia vayinziri vukuginga misigo ziageha. Haveeye namandu gi vijonjo manyingi ligali. Sikunyala kwumbaka vuhia lidigi mba.”

Nehemia 4:2

Yavoola imbiri wa avalina veve kandi imbiri wi liihi lia vandu va Samaria, “Avayuda vadedekere yava vaganagana vakora ki? Venya ukwumbaka vushia lidigi lie lidaala linene? Vaganagana ndi ku lihaana visiuviliru vanyara kumala miyinzi zana mu lidiku lilala? Vanyara kolomba magina gukwumbakira kutura mu vitumi vie ivianyi viasambwa?”

Nehemia 4:6

Kunangwa kwazizagilira kwumbaka lidigi, na nonoho, lidigi zana liali inusu yuvutambi vwalio vwosi kigira avandu vaali nuvuha ukwumbaka.

Zaburi 119:126

O, Yahova, ing'inga iduuki ivi kokora kindu, kigira avandu vavunagi amalago googo.

Zaburi 79:1

O, Nyasaye, avandu vizihiiri vamali kwingira mu kivala chicho. Vamali kwononyia Litembeli liilio Litakatifu, kandi vakoli Jerusalemi kuva amang'anye.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Jeremia 29:10

“Yahova avoora, ‘Lwi mihiga 70 jimalirika ni muveeye mu Babiloni, ndaaza kumugeniha kandi ndaduukiza lilagana liange ku munyi na ndamwilanyia mu kivala cha Isiraeli.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Ruth 1:6

Lwa Naomi yahulira naveeye mu Moabu ndi, Yahova yaali nagasizi avandu veve kulwu kuvaha ligesa lilahi, yetegeka kutura mu Moabu harara na avanavizara veve.