Zaburi 102:1 - KITABU KITAKATIFU

¹ O, Yahova, hulira lisaala liange, kandi hulira lilira liange kigira ovokonyi!

Zaburi 102:1 ပူးပေါင်းရင်းမြစ်များ

2 Kyetsinyinga 30:27

Vasaalisi na vandu va Levi vateevera avandu vugasu ku Yahova. Naveeye yengo weve mwigulu, Yahova yahulira lisaala liavo kandi naagavugulira.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 143:4

Kigira yaga, mwoyo gwange guukuzi, kandi lisuuvira liange lituli mu inzi.

Zaburi 143:7

O, Yahova, yaanza undivuliri kalunu ndi! Mali kogotiza lisuuviriza liange liosi. Utiivisa umwene kutura ku inzi mba, gase ndava kuli yavo aviikaa mu kilindwa.

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 5:2

Uhuliri lianira liange kigira vokonyi, O, mwami wange kandi Nyasaye wange! O, Yahova saala ku ivi.

Zaburi 61:2

nzanira ku ivi, mu likuza mwoyo kandi nimbeeye ihale ligali kutura yengo, umbile ha vuhaliru vwi mirembe.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Zaburi 77:3

Lwa ng'anagana kigira Nyasaye, mbendaa mwoyo ligali; lwa ng'anagana vudinyu ligali mwoyo gwange gukuzaa ligali.

Kutwula 2:23

Inyima wimihiga yijo josi, mwami wa Egebeti yakuza, navuzwa vandu va Isiraeli vaali nivakekenya ligali kigira uvusaaliri vwavo mu vutugwa, nivenya vokonyi. Lilira liavo liadukira Nyasaye;

Lisyoma lya Jeremia 3:44

Ivi umali kwikunika nililesi liliduhu kunangwa lisaala lietu silinyala kuhulika kuive mba.

Lisyoma lya Jeremia 3:8

Kali lwandaniraa vudinyu anoho nikulira kigira ovokonyi asuraa kuhaana mativuli ku lisaala liange.

Luka 22:44

Mu vusaliri vonene, yasaala numwoyo gwosi ligali kandi ulogeri lwilwe lwali kuli zingerageriza zia masahi gatonyatonyaa hasi.]

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.

1 Samweli 9:16

“Mugamba, ahimbi ing'inga kuli yiyi ndakutumira mundu musaza kutura mu ihiiri ya Benjamini; umuvake amaguta kuli mwami wa vandu vange va Isiraeli. Alavasoola kutura ku vandu va Filisitia. Mali kolola linyang'ana lia vandu vange kandi mali kuhulira lianira liavo nilienya vokonyi.”