Zaburi 10:3 - KITABU KITAKATIFU

³ Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 10:3 ပူးပေါင်းရင်းမြစ်များ

1 Avami 20:25

Maku ulange liihi linene ligali kuli yilio liagatizwa, ni livaliza lilala liere lie zibarasi na magare gu vulwani. Kulalwaana vandu va Isiraeli mu vileremo, na ing'inga yiyi kulavaguuta.” Mwami Benihadadi yaavugilira kandi nalonda zing'anagani ziavo.

Ayubu 31:24

“Inzi si ndavika lisuuviriza liange mu vutugi kali hakuzu mba, anoho kulanga izahabu indahi kuva lisuuvira liange mba.

Zaburi 35:21

Vanzaala, nivahanzuka nivavoora, “Kwalola icha wakola!”

Zaburi 49:18

Kali niiva mundu yigutizwa ni livamwoyo yili, na yizominywa kigira limedeka lie miandu jije,

Zaburi 49:6

avandu vadamanu avasuuviraa mu vutugi vwavo, vigingiraa kigira uvunyingi vwu vutugi vwavo.

Zaburi 5:6

Ivi udiviza yavo avavolaa vovehi, kandi uvihilirwa yavo vikirage na avuvugaadi avatindi na aviiti.

Zaburi 52:1

Kigira ki wigingilira vudamanu vuvwo, ivi mundu wi zinguru? Vusuuvirifu vwa Nyasaye voveeye vwi mihiga ni mihiga.

Zaburi 94:4

Avavunagi va malago valekonya nukwenenehiza kuduuka ng'inga ki? Valigingira kigira uvudamanu vwa vakolera avandu kuduuka ng'inga ki?

Kutwula 15:9

Musigu yavoola, ‘Ndavalonderera na ndavagumira, ndagavulanyia vutugi vwavo nu kuvugura viosi viavaveeye navio.’

Tsing'ano 28:4

Yavo avasuuraa malago vizominyaa vandu vachamu, navuzwa yavo avalindaa malago sivaveeye harara navagasulaa mba.

Kohelethu 7:15

Limenya liange liveeye lia vuzwa, navuzwa mali kolola vindu viosi. Koveeye ho nu mundu mulungi ukuza mu vulungi vwivwe kandi koveeye ho nu mundu muchamu omenya madiku manyingi nokokola vindu vidamanu.

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Jeremia 22:17

Navuzwa unyala vuzwa kukayirwa lienya liilio umwene; witaa avandu vataveeye nimbala kandi mu kilage udambiza avandu vovo Yahova umali kovora.

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!

Luka 12:15

Kunangwa, yavavolera vosi, “Mwilindi kandi mugerihi ku likayirwa liu vuviti liosi; kigira livamwoyo liu mundu silivezaa kigira vunyingi vwi vindu via aveeye navio mba.”

Luka 12:19

Maku ndakevolere inzi mwene, Kalunu mbeeye ni vindu vinyingi vilahi, vianyenyaa ni vitereywi ku mihiga minyingi. Ndavugura liiva linage kuva lilahi, lio kolemeliza. Ndasosa, ndalia, ndanwa kandi sangale!’

Varumi 1:29

Vizuyi zing'ano ziosi zie kivihiri, uvudamanu, uvuhuvaali, likayirwa iviaveene kandi uvwoneku. Vayizula embodoka, uvwiti, zimbemba, uvukubani, lihing'ana, uvugadi, zing'anagani zindamanu na amanyego; vamonyanaa,

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Kwidzulitsa 32:19

“Lwa Yahova yalora yaga, yavihilirwa kandi yasura vakana na vayaayi veve.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Yakobo 4:13

Kalunu mumbulirizi, munyi avamuvolaa, “Kalunu anoho mugamba kulazia mu lidaala navoleve, lwa na komenye umuhiga mulala, ni kukiranyia konyoole mabese manyingi.”

Yakobo 4:16

Navuzwa kalunu mwigingiraa kandi molekonya. Liekonya kuli yili liveeye lidamanu.

1 Yohana 2:15

Mutayaanza lirova, anoho kindu choosi chu mu lirova. Niiva mulayaanza lirova, ku simuyaanzaa Baba mba.

Vakalagi 17:2

Yavolera mama weve, “Lwu mundu yiva ividonye viefeza elefu ndala na miamoja kutura kuivi, walaama umwivi zana. Inzi mwene ndaahulira nulaamaa. Kalunu mbeeye na mabese zana yago. Ni inzi waali nindazivugura.” Mama weve yavoola, “Yahova akugasizi muyaayi wange!”

1 Samweli 23:21

Saolo yativura, “Yahova amugasize ku liiva avalahi ku inzi!