Zaburi 1:3 - KITABU KITAKATIFU

³ Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Zaburi 1:3 ပူးပေါင်းရင်းမြစ်များ

Litanga 39:23

Mulindi winyumba ya vahambe si yaahenzeriza kandi nuvunyari ku vindu viosi viali mu vulindi vwa Josefu mba, kigira Yahova yaali harara na naye; kandi yamugasiza mu vindu viosi via yakola.

Litanga 39:3

uwalola ndi Yahova yaali harara na Josefu kandi yaali na mugasizi ligali mu vuli kindu choosi cha yakola.

2 Avami 18:7

Na Yahova yaali harara naye. Hoosi ha yazizaa, yagasizwaa. Yibaala ku mwami wa Asiria kandi nasuura ukwamiifwa naye.

1 Kyetsinyinga 22:11

Daudi yaazizagilira, “Kalunu, mwana wange, Yahova ave Nyasaye woovo harara ninze, kandi atwekize lisuuvirizwa lilie kandi akugasize mu limwumbakira Litembeli.

1 Kyetsinyinga 22:13

Niiva ulahulira malago goosi ga Yahova yaaha Musa kigira Isiraeli, ulagasizwa ligali. Uguluhi ove wi zinguru kandi muluviliri. Utatia mba kandi utahenda mwoyo mba.

2 Kyetsinyinga 31:21

Kandi miyinzi josi ja yakola mu vutumiki mu Litembeli lia Nyasaye kolondekana ni lilaga kandi namalago, kwenya Nyasaye weve, yakola nu mwoyo mulala. Na ku goosi ga yakola, yagasizwa.

2 Kyetsinyinga 32:23

Avandu vanyingi vazia Jerusalemi, nivahira vihaanwa ku Yahova kandi Hezekia kunangwa avandu vosi vahaana lizominya ku Hezekia.

Ayubu 14:9

navuzwa ni gonyoora lisama lia mazi, gulasivuka kandi gulatuliza zisia kuli musaala mudoto.

Ayubu 22:28

Ulagasizwa mu goosi ga okola, kandi uvulavu vulang'ereng'ana mu zinzira zizio ziosi.

Zaburi 128:2

Ulalia makuyu go logeli lulwo, ulasangala nokonyoora uvugasu.

Zaburi 129:8

Siali ho nu mulala uvitaa ahimbi uvoora, “Yahova amugasize! Kumugasiza mu lieta lia Yahova.”

Zaburi 92:14

Avaamaa makuyu mu vusakulu vwavo, kandi vaveeye kuli amatu mavisi kandi agizingulu.

Zaburi 92:15

Yaga gamanyia ndi Yahova aveeye ni Likalaga lirungi ku avandu, kandi siaveeye ho nuvudamanu mu mukingi wange mba.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Isaya 44:4

Valasivuka kuli uvunyasi vusamangwa amazi vulahi, kandi kuli misaala jimelaa himbi ni migera ja mazi.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Jeremia 17:8

Aveeye kuli musaala gwasimikwa ahimbi ni migera ja mazi kandi gwahila miri ligali kuduuka ku mazi. Siguveeye nu vuti mu ing'inga ye kivasu mba kigira amatu gagwo si ganiara mba. Si guhenda mwoyo lwi imbura itaveeye ho mba; navuzwa guzizagiliranga kwama amakuyu.

Ezekieli 17:8

Navuzwa muzabibu gwaali nigumali kutagwa mu malova magunamu, mulimi gwasamwa vulahi na mazi kunangwa muzabibu guduuki kuva ni zisia kandi gwame amakuyu kandi gove muzabibu mulahi.

Ezekieli 19:10

Mama woovo yaali kuli kizabibu mu mulimi gwi kizabibu gugwo, gwasimikwa ahimbi kumugera. Kigira mazi gaaliho amanyingi, kizabibu chaali na matu manyingi kandi makuyu manyingi ligali.

Ezekieli 31:5

Kigira gwasamwa na mazi vulahi, gwaviruka nigutambiha ligali kuvita misaala jindi jiosi. Zisia ziagwo ziali zindiduhu kandi zindambi ligali.

Ezekieli 47:12

Misaala zing'ano ziosi najiviruki ku vuli luginga lwu mugera kuhaana chukulia. Matu gajo sinaganiare mba, kandi si nagalekele kwama makuyu mba. Naame namakuyu malahi vuli mweli, kigira jisamangwa na mazi gaturaa mu Litembeli. Misaala jilakahaane viukulia kandi matu gajo galakatumiki kohonyia avandu.”

Livalidza 24:6

kuli zimbaso zindambi zia makindu, naho milimi ku luginga lwu mugera, kuli misaala ja Yahova yasimika, anaho midaragwa ahimbi na mazi.

Matayo 13:6

Navuzwa lwi iliuva liatura, uvuguza vwali ni vomeri vwaniala. Na kigira imiri javwo sijali ni zinguru, vwuma nulwazana.

Matayo 21:19

Yalora mukuyu kunyasi kwi inzira, maku yazia kugwo, navuzwa si yanyoora kindu kugwo mba, nigatali amatu geng'ine. Yagovoolera, “Utama kandi amakuyu mihiga josi mba!” Ahene yaho, mukuyu gwaniala.

Matayo 21:34

Lwi ing'inga yi ligesa mazabibu yaduuka, yatuma avatumikiri veve ku valimi ndi vamuhe ku mazabibu geege.

Matayo 21:41

Vaamutivulira, “Alakadivizi ligali avandu vadamanu yavo; na alakavugiliri avalimi vandi koko vavuguli ikizabibu yicho avalimuha ekedonye chiche chi ligesa lie mizabibu ku ing'inga idukanaa.”

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Kwidzulitsa 28:8

“Yahova Nyasaye woovo alagasiza miyinzi ja makono googo kandi aliizuliza videera vivio nu vuswage. Alakugasiza mu kivala chakohezaa.

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.

Likunula 22:2

Gavitira hagati hi inzira yi lidaala linene. Ku vuli lujinga lwu umugera zana, gwaali ho umusaala gwi livamwoyo, ugwama amakuyu likomi na gaviri ku muhiga lulala ku vuli mweli. Kandi amatu gu umusaala zana gaveeye gokohonyia avandu vi izihiiri.