Zaburi 1:2 - KITABU KITAKATIFU

² Navuzwa ayaanza malago ga Yahova kandi naganagana vudiku numbasu.

Zaburi 1:2 ပူးပေါင်းရင်းမြစ်များ

Litanga 24:63

Lidiku lilala, mu zisa zia ha mugolova, Isaka yazia kogenda mu mulimi. Lwa yaali naveeye mu mulimi, yahenza nalora zing'amia ni ziza.

Ezara 7:10

Ezara yihaana kosooma nokohenzeriza mu mang'oda gi lilaga lia Yahova, kugaviika mu vikolwa, kandi kwigiza malago galio goosi ku vandu va Isiraeli.

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 104:34

Leka muyaanzizi ni zing'anagani ziange, kigira lisaangala liange litulaa ku Yahova.

Zaburi 112:1

Mwizominyi Yahova! Aveeye nuvugasu mundu uhuliraa Yahova, asangalira ligali mu lihulira malago geege.

Zaburi 119:1

Vaveeye nuvugasu avandu yavo vilimenya liavo liveeye vugira imbara; avamenyaa kolondekana ni lilaga lia Yahova.

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 119:35

Unzimiliri mu zinzira zia malago googo, kigira nyooraa uvusangari mugo.

Zaburi 119:72

Amalago ga wahaana gaveeye amalahi ligali ku inzi, kuvita mabesa goosi mu lirova.

Zaburi 119:92

Amalago googo galavula kuva uvutangiliru vwu vusangali vwange, ngano ndakuza kuturana nuvusaliri vwange.

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Zaburi 88:1

O, Yahova Nyasaye, muhonyi wange, ndilaa ku ivi mbasu gwosi, kandi nzanira ku ivi uvudiku vwosi.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Luka 18:7

Kalunu, Nyasaye sialakalagira avandu avatovole veve uvulungi, avamwanira mbasu nuvudiku? Alalindagilira ko lohono kuvativulira lianira liavo?

Luka 2:37

Yaali mukunzakali ku ing'inga yi mihiga samanini na ine. Ing'inga yeyo yoosi yaali niyamenya mulihonga lilia kandi kusaala mu Litembeli vudiku numbasu.

Varumi 7:22

Sangaliraa Lilaga lia Nyasaye mugati musi mwu mwoyo gwange.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

Joshua 1:8

Olole ndi kitabu chi Lilaga yiki kesomwaa kazozo mu lisigamira liilio. Okesome mbasu nuvudiku, kandi olole ndi olondaa nukugumira vindu viosi iviang'odwa mucho. Maku yaho ulava nilizizagilira imbiri ligali kandi ulagasizwa.

1 Yohana 5:3

Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.