Zaburi 1:1 - KITABU KITAKATIFU

¹ Aveeye nuvugasu mundu uvula kolonda mu makuva ga voni, kandi siasingiraa mu zinzira ziavoni mba, kandi siahambanaa na vaakolera Nyasaye kehenyahenye mba.

Zaburi 1:1 ပူးပေါင်းရင်းမြစ်များ

Litanga 49:6

Inzi si ndahambana mu makuva gaavo gavuzwa mba, Anoho si sanga mu livugana liavo mba. Kigira vita vandu mu vutima vwavo uvululu. Kandi vakora zigiriki nizilema mu lienya liavo.

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

2 Kyetsinyinga 22:3

Ahazia yalonda liiva lia vinyumba ya Ahabu, kigira mama weve yamuha zing'anagani iziamwimilira kuduuka mu likora uvudamanu.

Ayubu 10:3

Gaveeye vulahi ku ivi kuundambiza, nukuchaya mundu wa umali kolomba kandi nukuyaanzilila lilohiza lia vandu vachamu?

Ayubu 21:16

Vavoola ndi vanyoola miandu jaavo kutura kuzinguru ziavo aveene, navuzwa sinyala kuvugilira zing'anagani ziavo mba.

Ayubu 31:5

“Niiva menyaa ku lilonda ovovehi kandi niiva nyagura zimbiru ku livoolera avandu uvugadi,

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 106:3

Vaveeye nuvugasu avahulira amalago geege; kandi avakolaa agaveeye malungi kazozo.

Zaburi 112:1

Mwizominyi Yahova! Aveeye nuvugasu mundu uhuliraa Yahova, asangalira ligali mu lihulira malago geege.

Zaburi 119:115

Tuli ku inzi munyi avoni. Inzi ndahulira malago ga Nyasaye wange.

Zaburi 144:15

Vaveeye nu vugasu avaveeye ni liiva kuli yili, kandi vaveeye nu vugasu yavo ava Nyasaye aveeye Yahova wavo.

Zaburi 146:5

Aveeye nuvugasu umundu wa Nyasaye wa Yakobo akoonyaa, kandi weleedaa ku Yahova Nyasaye wavo,

Zaburi 146:9

Akingaa avageni vamenya mu kivala chietu; akoonyaa avakunzakali navavisandu, navuzwa ahilaa avachamu kuduuka mu lidivizwa liavo.

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 26:12

Inzi mali kohona kutura mu vuhimwa vwosi; na kigira yaga, nzizominyaa Yahova mu livugana linene lia vandu veve.

Zaburi 34:8

Mwenyelerizi uvulahi vwa Yahova, kandi vaveeye nuvugasu avanyoora ovohonyi muye.

Zaburi 36:4

Alombaa lilohiza liu uvudamanu lwa agonaa ku kidali chichie; ichakolaa choosi sikeveeye kilahi mba, navuzwa akolaa uvudamanu vuli kazozo.

Zaburi 64:2

Ukingi inzi kutura ku linziira hasi lia vadamanu kandi ku lifuliana lia vachamu.

Zaburi 81:12

Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Zaburi 84:12

O, Yahova Wuvunyali, vaveeye nu vugasu yavo avasuuviraa mu ivi!

Tsing'ano 1:15

Mwana wange, utahambana na vandu kuli yava mba. Welehe kuvo.

Tsing'ano 1:22

“Vandu vasiru! Mulava avasiru kuduuka ing'inga ki? Mulasangalira kokolera ovegeri kehenyahenye kuduuka ing'inga ki? Muliiga ing'inga ki?

Tsing'ano 13:15

Limanya lilahi lileeta luyali, navuzwa yavo avatanyala kusuuvilwa valadivizwa.

Tsing'ano 13:20

Mundu ogendaa harara na vandu vageri, agerihaa, navuzwa niiva ahambana nu muganda gwa valina vasiru, aladivizwa.

Tsing'ano 19:29

Avandu vekehenyahenye vetegeki kunyoola mageri, kandi avandu avasiru vetegeki kukuywa zimbimbu mu migongo.

Tsing'ano 2:12

kandi vulakugaaya kokora vindu vidamanu, vulakokola welehe ku vandu vakora vudamanu.

Tsing'ano 3:34

Yahova achayaa vandu vaveeye ni lielola, navuzwa ayanziliraa yavo avegehizaa kuye.

Tsing'ano 4:19

Inzira ya vachamu, eveeye kisundi kuli vudiku. Vagwiza, navuzwa sivalola ha vikigatiyi mba.

Tsing'ano 9:12

Ivi niye onyoora uvukala niiva oveeye novogeri. Niiva mulasura ovogeri, ivi niye ulisalira.

Jeremia 15:17

Inzi sindiikala harara nu muganda guyaanzaa kandi kusangalira uvudamanu mba. Kigira liitia amalago googo ndikala wengine kandi ndaali nu vutima vunyingi.

Jeremia 17:7

“Navuzwa ndagasiza oyo usuviraa mu inzi kandi oyo wa inzi mbeeye lisuuvira lilie.

Ezekieli 20:18

Mu vogono yivwo, ndiganihiza vana vaavo mwigendanyama nimbora: mutagumiri amalago ga vaguuga vinyu valomba mba; mutalondi miima jaavo mba, anoho muteyonogonyi ni vifananyi viavo mba.

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Luka 23:51

Siyavugilira amakuva gaavo ni minyinzi jaavo mba, kandi yalindiliraa Uvwami vwa Nyasaye.

Yohana 13:17

Kalunu munyi mumanya vindu yivi, muveeye nuvugasu nimuvikola.

Yohana 20:29

Yeso yamuvolera, “Usuuviyi kigira ondoli? Vaveeye nuvugasu yavo avasuuviyi nivakikiri kondola.”

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Vafeso 6:13

Kigira yaga, mwiviki viuma viosi via Nyasaye, muduuki kunyala kuhingira uvulwani vwu musigu mu madiku madamanu kandi nimumaliyi kulwaana kuduuka ku keheri, mulasingira vudinyu.

Kwidzulitsa 14:6

Munyala kulia inyama ku yoosi eveeye ni zimbagayu ziavukana hagati kaviri, ni iziliiza igamuura.

Kwidzulitsa 33:29

Ugasiziywi, O, ivi Isiraeli! Siaveeye ho numulala oveeye kuli ivi, ihiiri yahonywa na Yahova? Yahova aveeye kivavi chienyu kandi inguva yinyu alamukinga kandi alamuha liguuta. avasigu vinyu valaza kumuteeva zimbavasi.

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.