Yudasi 1:23 - KITABU KITAKATIFU

²³ Muhonyie avandi ku livatuliza mu muliru; na ku avandi muvamanyie zimbavasi ziveeye harara nu uvuti. Navuzwa muvihilirwi zinguvu ziavo avamali kwonoganywa ni vikolwa viavo vidamanu.

Yudasi 1:23 ပူးပေါင်းရင်းမြစ်များ

Tsing'ano 7:8

Yaali nagenda ku inzira ahimbi hu mukali wundi yamenya. Yaali naavitira himbi ninyumba yeeye

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Lisyoma lya Jeremia 4:14

Kalunu avatumikiri vaavo vagendagenda mu zinzira kuli avavoku. Vayoneka kigira masahi gavatahiza, na mundu si anyala kwisunda ahimbi nukuvagumira mba.

Kyavalevi 14:47

Mundu woosi ogonaa muinyumba yeyo, anoho aliili mu chukulia kuduuka afuuyi zinguvu zizie.

Kyavalevi 15:17

Kindu choosi, cha lombwa kutura kunguvu anoho kesero chu vusaza vwivwe vuziaku, kilava kidamanu kuduuka hamugorova.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Varumi 11:14

Suuviraa nyara kokora avandu vi ihiiri yange vakendeke, na ndio nduuki kohonyia valala kuvo.

1 Vakorintho 15:33

Mutagadwa mba. “Avalina vadamanu vononyiaa miima milahi.”

1 Vakorintho 3:15

Navuzwa niiva miyinzi ju mundu jilakahie, ahene yaho alagotiza madanyi geege; mwene alahonywa kuli ohonokoki kuvitira mu lomemo lwu muliru.

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

2 Vatesalonike 3:14

Hawundi mulala alasura kuhulira likuva lia kutumaa ku munyi mu ibarwa yiyi. Nigava ndio, mu manyirizi mundu oyo, mutava ni lihambana naye mba, kunangwa aduuki kuva esoni.

2 Yohana 1:11

Umundu woosi, uchelizaa mundu oyo asangaa mu miyinzi jije midamanu.

Yudasi 1:22

Mumanyie zimbavasi ku yavo vaveeye ni lihayahayizaa.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.

Likunula 3:4

Navuzwa oveeye na amita ga avandu vakekeeke mu Saride, avavura kokora vwoni. Mulakagende harara ninzi ni mwiviki izinguvu izindavu, kigira muduukani.