Yudasi 1:13 - KITABU KITAKATIFU

¹³ Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Yudasi 1:13 ပူးပေါင်းရင်းမြစ်များ

Zaburi 65:7

Ivi ohomatizaa lifuma lie zinyanza kandi ukiring'anyia liyoga lie viguvuli. Ukiring'anyia kandi kivihiri cha vandu.

Isaya 57:20

Navuzwa avandu vadamanu vaveeye kuli inyanza enene itali nilisoosa, yi iviguvuli viayo sivilekaa kuhinulanywa, niviletaa indagala amasiokolo novodohi

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

2 Petro 2:17

Avandu yava vaveeye kuli vidaho vitaveeye na mazi, kuli amalesi gi kihuzuzi kihiraa; Nyasaye yavavikira ovomenyo mu vogo vwi kisundi kenene.

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”