Yohana 9:31 - KITABU KITAKATIFU

³¹ Kwamanya ndi Nyasaye siahuliraa avandu avoni mba, navuzwa ahuliraa mundu woosi umusigamiraa kandi okokora uvulariri vwivwe.

Yohana 9:31 ပူးပေါင်းရင်းမြစ်များ

Litanga 19:29

Lwa Nyasaye yaali ni yakadiviza madaala ga mavoona, havundu ha Loti yamenya, yizuliza Aburahamu ma naahononokiza Loti kutura mu lidivizwa.

Litanga 20:7

Navuzwa kalunu, oleke mukali uyu yirani ku musaza weve. Musaza weve aveeye muporofeti, kandi alakusaalira kunangwa uvuli kukuza. Navuzwa niiva si ulamuleka yirani ku musaza weve, inzi gwiganihizaa ndi ivi harara na vandu vovo vosi mulakuza.”

Ayubu 35:12

Hene yaho vanira vakonywe, navuzwa Nyasaye siavativuliraa mba, kigira vaveeye avingingili kandi vadamanu.

Ayubu 35:13

Ligali gaveeye vugira vokonyi ku yavo kwanira ku Yahova mbula vakonywe; Nyasaye Wuvunyali siavalolaa, anoho siavahuliraa mba.

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 18:41

Vanira vokonyi, navuzwa siaveeye ho mundu unyala kuvakonya mba, kali vanira ku Yahova, navuzwa Yahova yavativulira mba.

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Tsing'ano 15:29

Lwa vandu valungi vasaala Yahova ahuliraa, navuzwa alekaa yavo avaveeye vadamanu.

Tsing'ano 21:13

Nusuula kuhuliriza kulianira liumundu mudaka, lianira liilio kwenya ovokonyi sililahulirizwa mba.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Mika 3:4

Ing'inga yiza iya mulisara ku Yahova, navuzwa sialimutivulira mba. Ku ing'inga yeyo, alakavisi mumoni mwimwe kutura ku munyi kigira uvudamanu vwa mumali kokora.”

Zekaria 7:13

Sindaavativulira lwa vasaala kigira sivahulira lwa ndamoloma mba.

Yohana 11:22

Navuzwa kali kalunu manyi ndi, choosi choteeva ku Nyasaye alakuha.”

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Yohana 9:30

Naye yavativulira, “Yiki ni kindu chokogenyia ligali! Munyi simanyi waatura mba, navuzwa yakunura zimoni ziange!

Yohana 9:32

Kutura mulitanga lie livoora, gakiri kuhulirika ku mundu ku vosi uwahonyia mundu uwivulwa mboku mba.

Kwidzulitsa 1:45

Kunangwa mwanira ku Yahova amukonye, navuzwa si yaali anyala kumuhulira anoho kuvaganagana mba.

Vahebraina 10:7

Kunangwa ndavoora! ‘Mbeeye hano kokora vulaliri vuvwo O, Nyasaye, kuli gang'odwa ku inzi, mu kitabu chi Lilaga.’ ”