Yohana 8:29 - KITABU KITAKATIFU

²⁹ Oyo wanduma aveeye harara nainzi kandi; kigira akikiri kondeka nzieng'ine, kigira ngolaa kazozo aga muyaanzizaa.”

Yohana 8:29 ပူးပေါင်းရင်းမြစ်များ

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 42:21

Yahova aveeye Nyasaye uveeye nu vuha kohonyia, kunangwa malago geege gizominywe kandi amigizu geege, kandi yenya avandu veve vahane luyali kuye.

Isaya 42:6

“Inzi Yahova, mali kumulanga kandi mali kumuha uvunyali. Kolola ndi, likalaga liu vulungi likolangwa ku lirova. Ndalomba lilagana liange na ivi kulwa vandu vosi, kandi ndaleta uvulavu ku zihiiri ziosi.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 3:15

Navuzwa Yeso yamutivulira, “Leka gave ndio kalunu kigira ni vulahi kuduukizi uvulungi vwosi vwa Nyasaye yenya.” Hene yaho Yohana yaavugilira.

Matayo 3:17

Kandi henza, umwoyo gwatura mu ligulu ni govoora, “Uyu nu Umwana wange muyanze wandayanza.”

Yohana 14:31

Navuzwa avumukivala vaduukana kumanya ndi ndayaanza Baba, na nicho kigira ngolaa vuli kindu kuli Baba andagaa ngole. “Singiri, gendi kuzie!”

Yohana 15:10

Nimugumira amalago gange mulamenya mu vuyanzi vwange, kuli inzi mali kugumira amalago ga Baba wwivwe nokomenya mu vuyanzi vwange.

Yohana 16:32

Ing'inga yiza, kandi imali kuduuka, lwa munyi mwosi mulisalanywa sa mulala yengo weve, nainzi ndakatigale nzieng'ine. Navuzwa inzi simbeeye nzieng'ine mba, kigira Baba aveeye harara ninzi

Yohana 17:4

Inzi mali kumanyia uvukumi vuvwo mu lirova; mali kutwekiza miyinzi ja wamba ngole.

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Yohana 5:30

“Inzi sinyala kokora kindu ku vunyali vwange mwene. Inzi ngalaga kuli mbulira kutura ku Baba, na likalaga liange liveeye liu vulungi. Sinyenyaa kokora uvulariri vwange mwene, navuzwa uvulariri vwa uyu uwanduma.

Yohana 6:38

Kigira inzi sindaaza kutura mwigulu kokora uvulariri vwange, navuzwa kokora uvulariri vwa oyo uwanduma.

Yohana 8:16

Kali ningalaga, likalaga liange liveeye liagiligali kigira siaveeye inzi weng'ine ukalaga mba. Navuzwa Baba wanduma aveeye ha lala nainzi.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.

1 Yohana 3:22

Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa.