Yohana 6:69 - KITABU KITAKATIFU

⁶⁹ Kunyi kwasuuvira, kandi kwamanya ndi ivi niyie Mutakatifu wa Nyasaye.”

Yohana 6:69 ပူးပေါင်းရင်းမြစ်များ

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Marko 1:1

Yaga na makuva malahi ga Yeso Kristo, Mwana wa Nyasaye.

Marko 1:24

“Ukwenya ki, Yeso wa Nazareti? Wenyaa kukudiviza? Inzi ngumanyi vulahi vwene. Ivi oveeye mutumwa mutakatifu wa Nyasaye!”

Marko 8:29

Yavateva kandi “Na munyi muvooraa inzi nivwaha?” Petero yamutivulira, “Ivi ni Mesia.”

Luka 9:20

Yeso yavateva, “Na munyi muvooraa, inzi mbeeye vwaha?” Petero yativura, “Oveeye Kristo Mwana wa Nyasaye.”

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 1:41

Nonoho yanyoora amwavo weve Simoni ma namuvolera, “Konyooye Mesia.”

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’

Yohana 11:27

Marita yamuvolera, “Yee Mwami! Inzi suuviraa ndi ivi niyie Mesia, Mwana wa Nyasaye, uzaa mu kivala.”

Yohana 20:28

Tomasi yamutivulira, “Mwami wange kandi Nyasaye wange!”

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Varumi 1:3

Ivangeri yiyi eveeye kigira Mwana wa Nyasaye, Mwami wiitu Yeso Kristo, uwaali kisukururwi cha Daudi ku liiva liu muviri;

Vafeso 4:13

Kandi ndio, kunyi kwosi kulakaze harara muvuhambani vwi lisuuvira lieta kandi mu limanya lietu liu Mwana wa Nyasaye. Kulakave avandu avahindira avadukanga ku kegero chu vuduukiru vwosi ovonyoleka mu Kristo.

1 Yohana 4:16

Kunyi aveene kumanya kandi kusuuvira uvuyanzi vwa Nyasaye aveeye navwo ku kunyi. Nyasaye aveeye uvuyanzi kandi oyo, Omenya mu vuyanzi amenyaa mu Nyasaye, kandi Nyasaye amenyaa muye.

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.