Yohana 6:53 - KITABU KITAKATIFU

⁵³ Yeso yavavolera, “Muvooleraa agiligali, nimutalia muviri gwu Mwana wa Adamu kandi munwi amasahi geege, si muveeye ni livamwoyo mba.

Yohana 6:53 ပူးပေါင်းရင်းမြစ်များ

Matayo 18:3

navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

Luka 13:3

Muvooleraa sigaveeye ndio mba; navuzwa munyi nimutiganira mulakuza mwosi kuli ndio kandi.

Luka 13:5

Muvooleraa, sigali ndio mba; navuzwa munyi nimutiganira, mulakuza kuli ndio kandi!”

Yohana 13:8

Petero yamuvolera, “Ivi siunyala kunzisaaviza virenge viange kali hakuzu mba!” Yeso yamutivulira, “Nindakusaaviza virenge, sioveeye ni lihambana nainzi mba.”

Yohana 15:4

Mumenye mu inzi ninzi menye mu munyi. Ulusia silunyala kwama amakuyu ulwene nilutaveeye ku musaala gwu Muzabibu mba; Kandi ndio na munyi si munyala kwama amakuyu nimutamenyi mu inzi mba.

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 6:47

Muvooleraa agiligali, uyu usuviraa, aveeye ni livamwoyo litahera mba.

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Yohana 6:55

Kigira muviri gwange goveeye chukulia chi ligali, na amasahi gange gaveeye chukunwa chi ligali.

Yohana 6:62

Galakave ndi, niiva mulilora Mwana wa Adamu ni yanigira kuzia uwa yaali maziambiri?

1 Yohana 5:12

Uyu oveeye nu mwana aveeye ni livamwoyo yili; uyu utaveeye nu mwana wa Nyasaye, siaveeye ni livamwoyo yili mba.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.