Yohana 21:23 - KITABU KITAKATIFU

²³ Kunangwa, livoora yili lialanda ku valondi va Yeso ndi mwigi uyu sialakakuzi mba: navuzwa Yeso siyavola ndi mwigi uyu sialivula kukuza, nitali yavoola, “Niiva niyenyaa ave mwoyo kuduuka lwa ndirana, gaveeye ki ku ivi?”

Yohana 21:23 ပူးပေါင်းရင်းမြစ်များ

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Ayubu 33:13

Kigira ki uyalaa Nyasaye ku livula kutivulira mundu lielilira lilie?

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 28:14

Uwene yeyo kwanyoora yo avaamitu valala, vakusaala komenye navo lisiza lilala. Kunangwa kwaduka Rumi.

Vikolwa 6:3

Kunangwa, avaamitu, mutovole avandu saba ku munyi avaveeye nilizominywa lilahi, aviizula Roho Mutakatifu novogeri, kuvaviiki ku miyinzi yigu vagulindi.

1 Vakorintho 11:26

Yaga gaveeye kovora ndi, zing'inga ziosi lwa mu liizaa umugadi yigu kandi kunwa kutura mu kekombe yiki, mulandizaa likuza liu Mwami kuduuka lwa aliiza kandi.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

Kwidzulitsa 29:29

“Vindu viaviswa viveeye via Yahova Nyasaye wiitu navuzwa viveeye havulavu viveeye vietu harara na vana viitu mihiga ni mihiga, kunanwa kuduuki kokora makuva gi lilaga lilie.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

Likunula 2:25

Navuzwa mugumiri cha muveeye nacho kuduuka lwa ndakaaze.