Yohana 19:38 - KITABU KITAKATIFU

³⁸ Inyima wa yaga, Josefu, uwatulaa mu lidaala lia Arimazia, yateeva Pilato niiva anyala kuvugura muviri gwa Yeso nu kuguyavira mu kilindwa. Josefu yaali mwigizi wa Yeso, mu vuvisi, kigira yatia avanene va Avayuda. Pilato yamuvugilira. Josefu yazia, navugura muviri gwa Yeso.

Yohana 19:38 ပူးပေါင်းရင်းမြစ်များ

Tsing'ano 29:25

Uvuti vwu mundu voletaa umutego, navuzwa oyo usuviraa mu Yahova aveeye ni mirembe.

Yohana 12:42

Kali ndio, avanyingi ku avanene va Avayuda vasuuvira mu Yeso. Navuzwa, kigira liitia Avafarisayo, si viyama havulavu ndi vamusuuvira mba, gase valakungwa mulisinagogi.

Yohana 7:13

Kali ndio avuli ho nu mundu wageriza komoloma amakuva geege havulavu kigira vaatia avanene va Avayuda.

Yohana 9:22

Aviivuli veve vavoola ndio kigira vaatia avanene va Avayuda kigira avanene yavo vaali nivavugilirizani ndi mundu woosi uwiyama havulavu ndi asuviraa Yeso kuva Mesia, alakungwa kutura mu Lisinagogi.

Vikolwa 13:29

Lwa vamala kuduukiza amakuva goosi agaali nigang'odwa kuye, vamwikiza kutura ku musalaba, nivamuviika mu kilindwa.

Vafilipi 1:14

Livofwa liange muvuhambe limali kuhaana lisuuvira linyingi ku vamiitu vange mu Mwami kandi vave nuvuluviliri ligali mu lilwaza ilikuva lia Nyasaye vugira uvuti.