Yohana 19:34 - KITABU KITAKATIFU

³⁴ Navuzwa mulala ku avasikari yatooza mu zimbalu zia Yeso ni litimu, nonoho amasahi kandi amazi viasunduka.

Yohana 19:34 ပူးပေါင်းရင်းမြစ်များ

Zaburi 51:7

Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Matayo 27:62

Lwa vwacha, ku lidiku lie Lisabato avasaalisi vanene na Vafarisayo vazia kuvugana wa Pilato

Yohana 19:33

Navuzwa lwa vaduuka ku Yeso, vanyoola namali kukuza. Kunangwa si vavuna nyia virenge vivie mba.

Yohana 20:20

Lwa yamala kovora yaga, yavamanyia zimbara mu makono geege kandi mu zimbalu mwimwe. Aviigi veve vayaanza ligali kolola Mwami.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 9:13

Amasahi gi zimburi na gi zigiriki kandi ligoke lie vimoli viukusambwa viuhwa ku vandu vaveeye vadamanu kolondekana numwima gwi vindu yivi vivatakaasa nukutulizaho uvudamanu vwavo kolondekana numwima.

Vahebraina 9:22

Kolondekana ni Lilaga, ahimbi vindu viosi vitakaswa na masahi, kandi uvwoni vusamiifwa vuzwa niiva masahi gasunduliywi.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Yohana 5:6

Yeso Kristo niyie waza na amazi gi libatizwa lilie. Kandi namasahi gi likuza lilie. Siyaaza na amazi geng'ine, navuzwa na amazi kandi na masahi gilikuza lilie. Roho mwene niyie ololekizaa ndi yaga gaveeye agiligali kigira Roho aveeye giligali.

1 Yohana 5:8

Vaveeye ho avalolekizi vavaga mu kivala, navo ni Roho, amazi, kandi amasahi. Kandi yava vavaga vavugirizana harara.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.