Yohana 19:28 - KITABU KITAKATIFU

²⁸ Lwa Yeso yamanya ndi ivindu viosi vidukiziywi kandi kolomba Amang'oda Matakatifu kuva agiligali, yavoola, “Mbeeye nuvuluhu.”

Yohana 19:28 ပူးပေါင်းရင်းမြစ်များ

Zaburi 22:15

Madundu gange gumi kuli kijonjo; lulimi lwange luhandi mu zisaya. Ivi, Nyasaye, ondeki mu luguchi kuli mukuzu.

Zaburi 69:21

Lwa ndaali ni inzara, vaamba chukulia kilulu kuli isumu; kandi lwa ndaali nu vuluhu, vaamba chukunwa kilulu kuli isiki.

Luka 12:50

Mbeeye nilibatiza lia ndibatizwa ilidukanaa mbatizwi. Navuzwa mbeeye novovereri kuduuka ing'inga lwa yagalitwekiza.

Luka 18:31

Yeso yasunda halovega avaari likomi na vaviri navavoolera, “Huliri! Kuziiza Jerusalemi uwi vindu viosi viang'odwa na avaporofeti ku Mwana wa Adamu vilatwekizwa.

Luka 22:37

Kigira muvooleraa ndi Amang'oda Matakatifu agaavoola ndi, ‘Yavalizwa harara na avoni.’ Kuduuka gatwekizwe kuva agiligali ku inzi. Yee agang'odwa ku inzi gaaza kuva agiligali.”

Luka 9:31

Valoreka mu vukumi vonene ligali vamoloma na Yeso. Vavolerana naye ku likuza lilie lia gamudukira atwekize mu Jerusalemi.

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 17:4

Inzi mali kumanyia uvukumi vuvwo mu lirova; mali kutwekiza miyinzi ja wamba ngole.

Yohana 18:4

Yeso, yaali namanyi goosi agaali nigazizaa kwekoleka. Yituliza nasingira imbiri wavo navateeva, “Mwenya vwaha?”

Yohana 19:24

Avasikari yavo vavolerana aveene, “Kutagitandula mba, navuzwa kukubi ikura kolole ilava ya vwaha.” Yaga gekoleka ku gave agiligali kuli gang'odwa mu Mang'oda Matakatifu: “Vagavulana zinguvu ziange, kandi vakuba ikura ku iganza yange.” Kandi nindio avasikari yavo vakora.

Yohana 19:30

Lwa Yeso yamala kuzunzuna isiki yeyo, yavoola “Gafeye!” Maku yinaminya mutwi gwigwe nakuza.

Yohana 19:36

Yaga gaakolwa kolomba Mang'oda Matakatifu gaduuki kuva agiligali, “Kigumba chiche kali kilala, si kilivunanywa mba.”

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Vikolwa 13:29

Lwa vamala kuduukiza amakuva goosi agaali nigang'odwa kuye, vamwikiza kutura ku musalaba, nivamuviika mu kilindwa.