Yohana 17:26 - KITABU KITAKATIFU

²⁶ Ndakokola umanyekane kuvo kandi ndazizagilira kokora ndio, kunangwa, uvuyanzi vwa oveeye navwo ku inzi vove muvo, nainzi mbe muvo.”

Yohana 17:26 ပူးပေါင်းရင်းမြစ်များ

Zaburi 22:22

Ndavolera avandu vange ivindu via umali kokora; ndakwizominya mu livugana liavo.

Yohana 14:20

Lwi lidiku yilio liliduuka mulakamanye ndi inzi mbeeye mu Baba wange, kandi munyi muveeye mu inzi, kuli inzi mbeeye mu munyi.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Yohana 15:4

Mumenye mu inzi ninzi menye mu munyi. Ulusia silunyala kwama amakuyu ulwene nilutaveeye ku musaala gwu Muzabibu mba; Kandi ndio na munyi si munyala kwama amakuyu nimutamenyi mu inzi mba.

Yohana 15:9

Inzi ndayaanza munyi kuli Baba ayaanza inzi. Mumenye mu vuyanzi vwange.

Yohana 17:23

inzi mbeeye muvo, na ivi oveeye mu inzi; kunangwa vaduuki kuva kindu kilala, kunangwa avumukivala vaduuki kumanya ndi ivi wanduma, kandi ivi wavayaanza kuli unyaanzaa.

Yohana 17:6

Mali kokora ivi, umanyekane ku avandu yavo ava wamba kutura ku avumukivala. Yava vaali avandu vovo, na ivi wamba vave avange; navo vagumiyi likuva liilio;

Yohana 17:8

Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Yohana 6:56

Uyu ulia muviri gwange nukunwa amasahi gange, amenyaa mu inzi nainzi menyaa muye.

Yohana 8:50

Inzi si nzeyenyeraa uvukumi vwa nge mwene mba. Navuzwa mulala aveeye ho mulala we nyererizaa kandi akalagaa.

Varumi 8:10

Navuzwa niiva Kristo amenyaa mu munyi, Roho aveeye livamwoyo ku munyi kigira mwakolwa avalungi na Nyasaye, kali niiva imiviri jinyu jizizaa kukuza kigira vwoni.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 12:12

Kristo aveeye kuli muviri mulala goveeye ni vivero vinyingi. Kali niiva goveeye ni vivero vinyingi gukikiri vuzwa muviri mulala.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Vafeso 5:30

kunyi koveeye vivero viu muviri gwigwe.

Vafeso 5:32

Agiligali gaviswa yaga gaveeye manene, navuzwa gaveeye kelolero cha Kristo ni likanisa.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 2:10

kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Vahebraina 2:12

Avoora ku Nyasaye, “Ndaavolera avamwavo vange icha umali kokora; ndakwizominya mu livugana liavo.”

1 Yohana 3:24

Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.