Yohana 16:33 - KITABU KITAKATIFU

³³ Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Yohana 16:33 ပူးပေါင်းရင်းမြစ်များ

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Mika 5:5

Gulakave murembe lwa avandu va Asiria valiza mu kivala chietu, kandi nukuvunanyia zimbinga zietu, kulatuma avanene saba kandi aviimiliri viitu vi zinguru ligali munane ukulwaana navo.

Matayo 9:2

Hene yaho, vamuleetera umundu waali ni yaafogoya, naagoni ku kidali chiche. Lwa Yeso yalora lisuuvira lia vaali nalio, yavolera umundu wafogoya oyo, “Lema mwoyo, mwana wange! Usamihiywi uvwoni vuvwo.”

Luka 19:38

Vavoola, “Nyasaye agaasizi Mwami Munene uza mu lieta liu Mwami. Mirembe jive mwigulu, nu uvukumi vove mwigulu igulu ku Nyasaye!”

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Yohana 12:31

Kalunu ni ing'inga yi likalagirwa lia avumukivala yiki. Kalunu Mwamihi munene wikivala yiki alakungwa.

Yohana 14:1

Yeso yavolera aviigi veve, “Mutahenda mioyo jinyu. Musuuviri Nyasaye, musuuviri inzi kandi.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 16:11

Vaveeye avadamanu ku likalaga, kigira Nyasaye umali kukalagira umwamihi wa avumukivala yiki.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 23:11

Uvudiku vwalonda ku; Mwami Yeso yasingira himbi na Paolo navoora, “Uleme mwoyo, kandi uluviliri; kigira kuli ulolekizi inzi mu Jerusalemi ulandolekiza kandi mu Rumi.”

Vikolwa 27:22

Navuzwa kalunu mugoonyaa, muleme mioyo kigira si halavaho kali mulala ku munyi ogotiza livamwoyo lilie; emeri yeng'ine niyio egota.

Vikolwa 27:25

Kigira yaga, Avaamitu, muleme mioyo! Kigira inzi suuvira Nyasaye. Galava kuli aga mboleywi.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

2 Vakorintho 1:3

Gendi kuhaane lizominywa ku Nyasaye Baba wu Mwami wiitu Yeso Kristo, Baba wi zimbavasi kandi Nyasaye wo vokonyi vwosi.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 2:14

Navuzwa, lisandiza live ku Nyasaye ukwimilira kazozo mu logendo lwi liguuta mu Kristo. Nyasaye akutumikiraa kulandiza limanya agiligali ga Kristo havundu hoosi kuli umwayu mulahi.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

2 Vakorintho 6:4

Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi.

2 Vakorintho 7:4

Mbeeye nilisuvira linene ligali mu munyi. Mbeeye niliekonya linene ligali kigira munyi! Nzizuuyi kelemamwoyo ligali. Muvudinyu vwitu vwosi nzizuuyi uvusangari vonene ligali.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Vafilipi 4:7

Mirembe ja Nyasaye, ijiveeye igulu kuvita limanya liosi liu umundu, jilalinda imioyo jinyu kandi zing'anagani zienyu vulahi mu Kristo Yeso.

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

1 Vatesalonike 3:4

Lwa kwaali nikukiri ni munyi, kwa muvooleraa nigakiri kwekoleka, ndi kuziiza konyoora lisalira kandi lidambizwa; kuli mumanyi vulahi yaga gamali kwekoleka.

1 Vatesalonike 3:7

Kigira yaga, avaamitu viitu, kwaleminywa mioyo mu kivi chietu choosi no mulidambizwa lietu kigira lisuuvira lienyu.

2 Vatesalonike 3:16

Kalunu Mwami mwene oveeye uvutangiliru vwi mirembe amuhe mirembe zing'inga ziosi kandi munzira yoosi. Nyasaye amuhe mirembe.

Vahebraina 11:25

Yatovola kusanga mulikubizwa kivi lia vandu va Nyasaye, kuvita kuyanzilira vwoni ku ing'inga ngekeeke.

Vahebraina 7:2

na Aburahamu naye naamuha kidieli chi likomi chi vindu viosi via yaali navio. Kivuni chukutanga chi Lieta Melikizedeki keveeye “Mwami Munene wuvulungi”, kandi kigira yaali Mwami wa Salemi, lieta lilie liveeye kovora, “Mwami wi Mirembe.”

1 Petro 5:9

Musingiri nu vuluviliri mu lisuuvira lienyu kandi mumwigaliri kigira mumanya Avakristayo vandi mu kivala choosi vavitira mu vusaliri vulala vwere kuli munyi.

1 Yohana 2:13

Ng'odera munyi avababa, kigira mwamanya uyu uwaali ho kutura mu litanga. Ng'odera munyi avasoleri, kigira mumali kuguuta mudamanu.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

1 Yohana 5:4

Umundu wivulwa kutura ku Nyasaye aveeye umwana wa Nyasaye na aguutaa kivala. Ni ndio kunyi kuguutaa kivala mu livuuvira lietu.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.

Vakalagi 3:2

Yakola yaga kunangwa yigizi ivisukulurwi via vandu va Isiraeli viduuki kumanya kigira uvulwani, mbitilira yavo avaari nivakikiri kuziaku mu vulwani.