Yohana 15:22 - KITABU KITAKATIFU

²² Ndaavura kuuza komoloma navo, ngano sivakora vwoni mba; navuzwa kuli gaveeye kalunu, sivaveeye niliverererwa ku vwoni vwavo mba.

Yohana 15:22 ပူးပေါင်းရင်းမြစ်များ

Ezekieli 2:5

Kali niiva avandu vibaali yavo valakuhulira anoho valasura kukuhulira, valakamanye ndi muporofeti yaali harara navo.

Luka 12:46

Mwami weve alirana ku lidiku lia ataganagana, kandi ing'inga yatamanyi. Ligali Mwami weve alamuha amageri nukumuviika mu muganda mulala na avatasuuvira.

Yohana 12:48

Uyu usulaa inzi kandi siagumira makuva gange, aveeye numukalagi. Amakuva gandavoola galava umukalagi weve mu lidiku lie keheri.

Yohana 15:23

Oyo udunyiraa inzi, adunyiraa Baba wange kandi.

Yohana 15:24

Niiva sindaakola vindu viu mundu wundi akikiri kokora ku hagati haavo, ngano sivakakoli vwoni mba; navuzwa kalunu vamali kolola kandi kunduyira harara na Baba wange.

Yohana 16:9

Vandu vaganagana vudamanu kigira vwoni, kigira vavura kusuuvira inzi.

Yohana 19:11

Yeso yamutivulira, “Ivi si wakaveeye nu vunyali vwosi ku inzi, nivutahaniywi ku ivi kutura mwigulu na Nyasaye. Mundu oleeti inzi ku ivi niyie oveeye nu uvwoni vonene kuvita ivi.”

Yohana 9:41

Yeso yavativulira, “Mulava ni mwakaveeye avavoku, ngano si mwakaveeye nuvwoni; navuzwa kigira munyi muvooraa, Kunyi kololaa, yaga gavoora mukikiri voni.”

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Varumi 1:20

Kali kutura ing'inga ya Nyasaye yalomba lirova, liiva lilie litalolekaa ni zimoni, liveeye zinguru zizie zie mihiga ni mihiga, kandi liiva liuvunyasaye vwivwe, vumali kololeka vulahi ligali. Avandu vanyara kumanya makuva yaga kuturana ni vindu via Nyasaye yalomba. Ku lwa yago, sivaveeye ni chavativula mu liekinga liavo mba!

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Yakobo 4:17

Kunangwa yavo vatakola vulahi vwa vaduukana vakole, vaveeye na mahiolo gu vwoni.

1 Petro 2:16

Mumenye kuli avandu vaveeye avavoholore navuzwa muvuli kutumikira ovovoholore vwinyu kuvisa vudamanu. Navuzwa mumenye kuli avatugwa va Nyasaye.