Yakobo 4:11 - KITABU KITAKATIFU

¹¹ Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

Yakobo 4:11 ပူးပေါင်းရင်းမြစ်များ

Zaburi 140:11

Leka yavo avaginaa avandi vavuli kugasizwa mu kivala choosi, leka ikivi kikuniki avandu vikirage nukuvadiviza ligali.

Luka 6:37

“Mutakalagira avandu vandi mba, kunangwa munyi muvuli kukalagirwa na Nyasaye; mutadura avandi, kunangwa munyi muvuli kudurwa na Nyasaye, musamiihi avandi, kunangwa munyi musamiifwi na Nyasaye.

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

Varumi 7:7

Kunangwa, kunyala kovora ki, Lilaga liveeye liu vwoni? Si gaveeye ndio mba! Navuzwa liali Lilaga liakola inzi kumanya uvwoni ni ki. Kigira sindaali manye likayirwa vugira Lilaga kovora, “Utakayirwa mba.”

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

Tito 2:3

Wigizi kandi avakeere vave nuluyali lulahi mu miima jaavo; vatava avahuzirizi, anoho avayaanzaa amalwa. Gavadukiraa vigizi agaveeye amalahi.

Yakobo 1:16

Avaamitu vange avayaanze, mutagadwa mba!

Yakobo 1:19

Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.

Yakobo 1:25

Navuzwa umundu ohenzaa vudinyu ku amalago amadukiru agahaanaa ovovoholore ku avandu, oyo ugalondaa kandi utaveeye muhuliri ma vivilira, navuzwa agaviikaa mu vikolwa, mundu uyu, Nyasaye alamugasiza ku vindu viosi.

Yakobo 2:8

Mulava ni mukoraa vulahi niiva mutia lilaga liu vwami kuli Amang'oda Matakatifu gavoora, “Uyaanze umutende woovo kuli wiyanza umwene.”

Yakobo 5:10

Avaamitu vange, mwizurizi avaporofeti avamoloma mu lieta liu Mwami. Muvavuguli kuli kelolero chu vusaliri nu vwikuziri.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.