Yakobo 2:5 - KITABU KITAKATIFU

⁵ Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Yakobo 2:5 ပူးပေါင်းရင်းမြစ်များ

1 Avami 22:28

Mikaya yativura, “Niiva ulirana nimirembe, Yahova siamolomi kuvitira mu inzi mba!” Kandi yameda kovora, “Muhulirizi, mundu sa mulala, ku ga mali kovora!”

Ayubu 34:10

Mbulirizi, munyi avandu vilimanya linyingi? Nyasaye Wuvunyali anyala kokora agaveeye madamanu?

Ayubu 34:19

Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Ayubu 38:14

Vulavu vwi lidiku volomba vigulu na mavoona kololeka kuli lielingalinga lie inguvu, vilolekaa vulahi kuli ilimiina liu muhuri ko ovodohi.

Kutwula 20:6

Navuzwa ndolekizaa uvuyanzi vwange ku zielefu zia makura aga yavo avanyanzaa nokolonda amalago gange.

Tsing'ano 13:7

Avandu valala vekola kuva vatugi, navuzwa sivaveeye ni kindu mba. Avandi vekola kuva vadaka, navuzwa vaveeye avatugi.

Tsing'ano 7:24

Avana vange, kalunu mumbulirizi, muhulirizi gambolaa

Tsing'ano 8:32

“Kalunu mwinye vana vange, mbulirizi, mukore kuli mboraa na mulava nu vuyanzi.

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 29:19

Avahocha valasangala vuhia mu Yahova; avadaka valasangala mu Nyasaye Umutakatifu wa Isiraeli.

Zefania 3:12

Navuzwa ndakaleke hagati hinyu avandu vegehizi kandi avahocha; valakenye ovokonyi kutura kuinzi.

Zekaria 11:11

Maku lilagana liatulizwaho lidiku yilio, na yavo avakolaa likiranya lia magondi vambenzaa kandi vamanya ndi Yahova ya molomaa kuvitira mu vindu viandakolaa.

Zekaria 11:7

Yavo avakolaa likiranya lia magondi vambugura kuvayira, kandi ndagwa mwayi wa magondi gaziza kwitwa. Ndaavugura zimbimbu ziviri; indala ndaagigulika “Kuyaanzilira” ni yindi ndaagigulika “Uvuhambani.” Ndaaya magondi.

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Marko 7:14

Maku Yeso yalanga kandi ikiduma cha vandu navavoolera, “Munyi mwosi mumbulirizi, ma mumanyirize.

Luka 12:21

Yeso yamaliriza kovora, “Nindio gaveeye ku mundu wivikiraa uvutugi mwene, navuzwa siaveeye mutugi imbiri wa Nyasaye mba.”

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Luka 16:22

“Mundu mudaka zana yakuza, zingelosi vamuvugura, nivamwikaliza ku kiritu cha Aburahamu mu Paradiso. Mutugi oyo yakuza kandi naye, naatevwa.

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Luka 22:29

Kuli Baba wange yamba zinguru ukwamiiha avandu yava, kandi inzi ndio, muheezaa zinguru zindala nzere mwamihi.

Luka 6:20

Yeso yahenza aviigi veve navoora “Muveeye nu vugasu munyi avaveeye avadaka; kigira Uvwami vwa Nyasaye nu vwinyu!

Yohana 7:48

Mwalora ku mulala ku avanene va avandu, anoho ku Avafarisayo ni vasuuviyi muye?

Vikolwa 7:2

Sitefano yativura, “Avaamitu na vababa! Mumbulirizi! Nyasaye wu vukumi yaloleka ku guuga wiitu Aburahamu, mu Mesopotamia, nakikiri kuzia komenya Harani.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

2 Vakorintho 4:15

Yaga goosi gaveeye kigira munyi; kandi kuli zimbavasi zia Nyasaye zilandaa ku vandu vanyingi kandi avandu yavo valameeda lisaala linyingi lie lisandiza kigira vukumi vwa Nyasaye.

2 Vakorintho 6:10

kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.

2 Vatesalonike 1:5

Yaga goosi gamanyia ndi likalaga lia Nyasaye liveeye lirungi, na munyi mulavalizwa kuva avaduukani konyoora vwami vwivwe uvugira nimunyoola likubizwa kivi.

Vahebraina 11:26

Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 1:16

Avaamitu vange avayaanze, mutagadwa mba!

Yakobo 1:19

Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.

Yakobo 1:9

Mukristayo oveeye mudaka asangale lwa Nyasaye amunenehizaa.

1 Petro 1:4

na ndio kulindiliraa konyoora uvutugi vwu vugasu vwa Nyasaye aviikiraa avandu veve. Aviikiraa munyi uvugasu vwene yivu mwigulu, havutanyala kuguunda, kwoneka anoho kogota.

2 Petro 1:11

Kunangwa mulanyola livugilirwa liu vukumi mu Vwami vwi mihiga ni mihiga vwu Mwami kandi Muhonyi wiitu Yeso Kristo.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.

Vakalagi 9:7

Lwa Jozamu yahulira yaga, yazia kusingila ku Kiguru cha Gerizimu nukuvahanzukira, “Munyi avandu va Shekemu muhuliri ga Inzi mboraa, na ndio Nyasaye alahulira Aduuki kuhulira gamuvoola!

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.

1 Samweli 2:8

Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.