Vikolwa 7:51 - KITABU KITAKATIFU

⁵¹ Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vikolwa 7:51 ပူးပေါင်းရင်းမြစ်များ

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

Nehemia 9:16

Navuzwa avaguuga viitu vigingiraa kandi vaali avamagoti madinyu ligali, kandi nivasuula kuhulira amalago googo.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Zaburi 75:5

Mutiganagana kuva avandu vu vunyali ligali, anoho komoloma makuva ni liegingira mba.”

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Kutwula 32:9

Inzi manyi vulahi kirage cha avandu yava vaveeye nacho.

Kutwula 33:3

Muzizaa mukivala kigunamu ligali. Navuzwa inzi mwene sindazia nimunyi mba, kigira muveeye avandu vi kirage, kandi hawundi nyara kumudivizira kunzira.”

Kutwula 33:5

Kigira Yahova yaali nalagi Musa avavoolere ndi, “Munyi muveeye avandu vikirage. Niiva ndakaziiyi ni munyi ku ing'inga engekeeke, ndakamudivizi ligali. Kalunu mutulizi viukwisiaha vienyu, na inzi ndalora ichanyala kumukolera.”

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Jeremia 17:23

Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 6:10

Inzi ndaativura, “Ivwaha unyala kuhulira inzi niiva ndamoloma kuvo nukuviganihiza? Vaveeye avahindagirizi kandi vasuura kuhulira amakuva googo; vasekeriza aga ombolela mbavoolere.

Ezekieli 2:4

Vaveeye avahindagirizi kandi sivambezaa luyali mba. Kunangwa ngutumaa uvavoolere aga inzi, Yahova Wuvunyali mboraa kuvo.

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Ezekieli 44:9

“Kulwayago, Inzi Yahova Wuvunyali mboraa ndi, sialavaho mundu kali mulala utaveeye musuuvirifu omenyi hagati ha vandu va Isiraeli, anoho avulaho mundu kali mulala utatiza inzi, ulingila mu Litembeli liange mba.”

Kyavalevi 26:41

Kandi nivangola kuvagirung'ana kandi kuvahila vazie mu kivala cha avasigu vaavo. Mu limalirika, lwi visukululwi vienyu viagehizwa kandi ni vamali kukindukizwa kigira uvwoni vwavo, kandi liebaala.

Livalidza 27:14

kigira munyi vombi mwahing'ana na malago gange mwigendanyama lia Zini. Lwa vandu vosi vililira ku inzi ha Meriba, mwasuura kuvugilira zinguru ziange zindakatifu imbiri wavo.” Meriba ni kisinukiru cha mazi ha Kadeshi mwigendanyama lia Zini.

Vikolwa 6:10

Navuzwa sivali vanyara kumuguuta mba, kigira ovogeri vwivwe kandi kigira Roho Mutakatifu wamwimilira mu livoora lilie.

Vikolwa 7:27

“Navuzwa uyu waali nakuya mutende weve, yalumba Musa halovega, navoora, ‘Nivwaha wakuviika ove mwimiliri nu mukalagi wiitu?

Vikolwa 7:35

“Musa uyu niyie wa avandu va Isiraeli vasuura lwa vavoola: ‘Nivwaha wakuviika ove mwimiliri kandi mukalagi wiitu?’ Kuvitira mu engelosi waloleka kuye mu kisaka chaali ni chaadukaa muliru, Nyasaye yatuma Musa uyu ave mwimiliri nu muvohololi wavo.

Vikolwa 7:39

“Navuzwa avaguuga viitu vasuura kumuhulira. Vamusura, nivegomba kwirana Egebeti.

Vikolwa 7:9

“Avaguuga viitu yavo vaali nembodoka ku Josefu, ni vamuguliza kuva mutugwa mu Egebeti. Navuzwa Nyasaye yaali harara naye,

Varumi 2:25

Niiva ulahulira Lilaga, likevwa liilio lilava nu vukala ligali, navuzwa niiva ulavunaga Lilaga, vwakaveeye vulahi ivi ulavuli kokevwa.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Kwidzulitsa 10:16

Kunangwa kutura kalunu muve avahuliri ku Yahova kandi mutava vikirage mba.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 9:13

“Yahova yambolera kandi, ‘Inzi manya kuli avandu yava vaveeye vi kirage.

Kwidzulitsa 9:6

Kunangwa muve nagiligali kumanya ndi Yahova Nyasaye winyu siyamuha kivala chuvutugi na kenoru yiki kuva miandu jinyu kigira uvutakatifu vwinyu mba. Awa muveeye avandu vi kirage.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vakolosai 2:11

Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni.