Vikolwa 5:12 - KITABU KITAKATIFU

¹² Avatumwa vaakora vilolekizu viokogenyia vinyingi ku vandu. Avasuuviri vosi vavugana harara mu muganda mu lusimbu lwa Solomoni.

Vikolwa 5:12 ပူးပေါင်းရင်းမြစ်များ

Jeremia 26:9

Kigira ki novoora mu lieta lia Yahova ndi, Litembeli yili lilava kuli Shilo kandi lidaala yili liradivizwa na siaveeyeho kali mundu ulimenya mu mba?” Maku avandu vizura nivangumberiza.

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Yohana 10:23

Yeso yaali nagenda mu Litembeli, mu lusimbu lwa Solomoni.

Yohana 4:48

Yeso yamuvolera, “Munyi nimutaloli vilolekizu ni viokogenyia, simunyala kusuuvira mba.”

Vikolwa 1:14

Yava vosi vavugana harara kazozo mu lisaala, kuli muganda, harara na vakali kandi Maria mama wa Yeso, na avamwavo veve.

Vikolwa 14:3

Kunangwa Paolo na Baranaba vazizagilira komenya yo ku ing'inga indambi ni vilwaza nu vuluviliri makuva gu Mwami Yeso. Mwami naye yalolekiza agiligali gi likuva lia vilwaza, lie zimbavasi zizie, ku livaha zinguru zio kokora vilolekizu kandi viokogenyia.

Vikolwa 16:18

Yamenya na akolaa ndio amadiku manyingi, kuduuka lidiku lilala Paolo yavihilirwa nagirung'ana navolera lidemoni yilio, “Ngulaga ku lieta lia Yeso Kristo, tula muye!” Lidemoni yilio liatura ing'inga yeyo.

Vikolwa 19:11

Nyasaye yakola vilolekizu viokogenyia kuvitira mu makono ga Paolo.

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

Vikolwa 28:9

Kigira kekolwa yiki, avalwaye vosi avaari mu kisulu yicho vaza kandi ma nivahonywa.

Vikolwa 3:11

Lwu mundu musavasavi oyo yaali nakigumiyi nokolonda Petero na Yohana mu Lusimbu lwa Solomoni, kuli lwalangwa, avandu vagenya ligali kandi vanyagura zimbiru kuzia kuvo.

Vikolwa 4:30

Nyira mukono gugwo ohonyie avandu kandi okole vilolekizu ni viokogenyia viloleke mu lieta liu Mutumikiri woovo Mutakatifu Yeso.”

Vikolwa 9:33

Yanyoora yo mundu mulala walangwa Aineya, uwaali ni yagona ku kidali mihiga munane kigira yaali niyafogoya.

Vikolwa 9:40

Petero yavatuliza ichova vosi, nasigama, nasaara. Yagirung'ana kohenza mukuzu, navoora, “Tabita, vuka!” Naye yakunura zimoni zizie; lwa yalora Petero, yikala.

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

2 Vakorintho 12:12

Vilolekizu vinyingi kandi agokogenyia manyingi ga havulavu galolekizaa ndi inzi mbeeye mutumwa wagiligali, viekoleka hagati hinyu nu vwikuziri vunyingi.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.