Vikolwa 3:19 - KITABU KITAKATIFU

¹⁹ Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Vikolwa 3:19 ပူးပေါင်းရင်းမြစ်များ

Zaburi 103:12

Yahova atulizaaho uvwoni vwitu nu kuvuhira ihale ligali, kuli Ivugwi eveeye ihale kutura imadioli.

Zaburi 51:13

Maku ndigiza avoni malago googo, na valagirung'ana kuivi

Zaburi 51:9

Utahenza uvwoni vwange mba, na utulize ho uvudamanu vwange.

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Isaya 44:22

Mali kweya vwoni vuvwo kuli lilesi. Wirane ku inzi, kigira mali kokohonyi.”

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 61:9

Visukululwi viavo vilamanyikana hagati hi zihiiri ziosi, na vuli mundu woosi uvalola alamanya ndi, vaveeye avandu va inzi mali kugasiza.”

Jeremia 36:3

Namusia lwa avandu vi Ivuyuda vahulira kigira lidiviza liasaaviraa koleta kuvo, valagirung'ana kutura kuzinzira ziu vudamanu. Maku ndavasamiiha uvudamanu vwavo kandi uvwoni vwavo.”

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Lisyoma lya Jeremia 3:40

Leki kogelizi kandi kwehenzelizi zinzira zietu, kandi kwirane ku Yahova!

Lisyoma lya Jeremia 5:21

O, Yahova, ukwiranyie ku ivi! Ukwiranyie! Ukwiranyiri vukumi vwitu vwali vwizing'inga zia kale.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Joeli 2:13

Leka mwoyo gugwo gwiliegehiza gumanyie ovovereri; kutandura zinguvu zienyu sigadukira mba.” Mwirane ku Yahova Nyasaye winyu. Aveeye wilivererera ligali kandi wizura zimbavasi; aveeye umwikuziri kandi lilagana lilie; aveeye mwetegeku inyinga yoosi kusamiha nukuvula kuhana amageri.

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Matayo 18:3

navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Luka 1:16

Aliranyia avanyingi ku avandu va Isiraeli ku Mwami Nyasaye wavo.

Luka 22:57

Navuzwa Petero yambakana navoora, “Mukali ivi, kali inzi simumanyi mba!”

Vikolwa 1:6

Lwa avatumwa vavugana harara na Yeso, vamuteeva, “Mwami, ing'inga yiyi uliranyira Isiraeli Uvwami?”

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 11:21

Zinguru ziu Mwami Nyasaye ziali harara navo, na avandu vanyingi vasuuvira nivagirung'ana kuzia ku Mwami Yeso.

Vikolwa 15:3

Kunangwa likanisa liavasivula nivavatuma vazie ku logendo lwavo. Vaali nivavitira mu Foenisia nu mu Samaria, nivivalira vandu avasuuviraa kuli avizihiiri zindi viganira kuuza ku Nyasaye. Amakuva yaga gayaanziza avaamitu yavo vosi ligali.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 28:27

Mioyo ja avandu yava jigwiyi midinyu, amatu gaavo gahaani, vamwolizi zimoni ziavo. Galavula ndio, ngano valora ni zimoni ziavo, kandi ngano vahulira na amatu gaavo. Ngano vamanya ni mioyo jaavo nu kwiganira, Mwami avoora, na inze ndavahonyia.’ ”

Vikolwa 3:20

Nyasaye alakahaane kumunyi zinguru zia Roho Mutakatifu, kandi alakatumi Yeso, oveeye Mesia wamali kumutovolera.

Vikolwa 3:21

Gamuduukira atigale mwigulu kuduuka lwi vindu viosi vililombwa vuhia, kuli Nyasaye yalandiza kuvitira mu vaporofeti veve vatakatifu avaari ho kutura kale.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.

2 Petro 3:8

Navuzwa avalina avayaanze, mutivilira ikindu kilala yiki! Mu zimoni ziu Mwami, lidiku lilala liveeye kuli mihiga elefu, kandi mihiga elefu jiveeye kuli lidiku lilala.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”