Vikolwa 28:26 - KITABU KITAKATIFU

²⁶ navoora: ‘Zia ku vandu yava uvavoolere: Lihulira mulahulira, navuzwa simulimanya mba lihenza mulahenza, navuzwa simulilola mba.

Vikolwa 28:26 ပူးပေါင်းရင်းမြစ်များ

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 66:4

Kigira yaga, inzi kandi ndavaletera ikivi - ivindu yivio viavatizaa; kigira sihaaliho nu mulala uwahugira lwa ndavalanga anoho uwahuliriza lwa ndamoloma. Vaatovora kuvula kuhulira inzi nokokola uvudamanu.”

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Ezekieli 12:2

Yavoola, “Mwana wu Mundu, ivi omenya na vandu vukwibaara. Vaveeye ni zimoni, navuzwa si valora kindu mba; vaveeye na matu, navuzwa si vahulira mba kigira vaveeye avandu vukwibaara.

Marko 4:12

Kunangwa, ‘Lihenza valahenza ligali, navuzwa si valalola mba lihulira valahulira ligali, navuzwa si valamanya mba. Kigira niiva vakakoli ndio, vaali vakagirungani ukwilanira Nyasaye, kandi naye yakavasamiihi uvwoni vwavo.’ ”

Luka 24:25

Yeso yavavolera, “Avandu avasiru munyi, avimioyo jiveeye midinyu kusuuvira viosi via vaporofeti vavoola!

Luka 24:45

Maku Yeso yakunura zing'anagani ziavo vaduuki kumanya mang'oda matakatifu.

Luka 8:10

Yeso yativura, “Munyi muheveywi limanya lia gaviswa gu Vwami vwa Nyasaye, navuzwa ku vandi inzi molomera mu zing'ano, kunangwa kali nivahenza vudinyu, sivanyala kolola mba kali nivahuliriza, sivanyala kumanyiriza mba.”

Vikolwa 28:25

Kunangwa, sivahulirizanaa aveene mba. Lwa vaali nivazizaa, Paolo yavoola likuva yili: “Agiligali, Roho Mutakatifu yavolera avaguuga vinyu vulahi kuvitira mu muporofeti Isaya,

Kwidzulitsa 29:4

Navuzwa kuduuka lidiku liene yili, Yahova akikiri kumuha zing'anagani ziukumanyiriza anoho zimoni ziokolola anaho amatu gukuhulira vindu viekoleka.