Vikolwa 28:23 - KITABU KITAKATIFU

²³ Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 28:23 ပူးပေါင်းရင်းမြစ်များ

Marko 4:34

Siyavavoolera ikindu choosi vugira kutumikira izing'ano mba, navuzwa lwa yaali na aviigi veve venyine, yaali anyala kuvivaalira vuli kindu choosi.

Luka 16:28

uwa mbeeye na avamwavo vatano. Leka azie kuviganihiza gase navo kandi valaza yinu muvusaliri yivu.’

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Vikolwa 1:3

Ku ing'inga ya madiku arubaini inyima wi likuza lilie, Yeso yaloleka haali kanyingi kuvo mwene, kandi mu zinzira zialolekiza ndi ligali aveeye mwoyo inyima wuvusaliri vwivwe. Vamulola, na moloma navo kigira makuva gu Vwami vwa Nyasaye.

Vikolwa 18:28

Yaazizagilira komoloma nu vuluviliri nu kuguuta Vayuda imbiri wa avandu, navamanyia kuvitira mu Mang'oda Matakatifu ndi Yeso aveeye Mesia.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 19:8

Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye.

Vikolwa 23:11

Uvudiku vwalonda ku; Mwami Yeso yasingira himbi na Paolo navoora, “Uleme mwoyo, kandi uluviliri; kigira kuli ulolekizi inzi mu Jerusalemi ulandolekiza kandi mu Rumi.”

Vikolwa 24:14

Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti.

Vikolwa 26:6

Kalunu singiyi hano mu kiyaalo kukalagirwa kigira lisuuvirizwa lia mbeeye nalio lia Nyasaye yasuuviriza avaguuga viitu.

Vikolwa 28:31

Yilwaza Uvwami vwa Nyasaye nu kwigiza amakuva gu Mwami Yeso Kristo nu vuluviliri, kandi vugira kwigalirwa.

Vikolwa 8:35

Maku Filipo yatangila ku zimbaso zia Mang'oda Matakatifu yizio, namwilwaazira amakuva malahi ga Yeso.

Filemona 1:2

harara ni likanisa livuganiraa munyumba yooyo, mbozwa wiitu Afia kandi Arikipo, umusikari wache wiitu.

Filemona 1:22

Harara na yaga, wetegekizi inyumba yange kigira suuviraa ndi, Nyasaye alahaana amativuli ku lisaala lienyu vosi, ma nduuki kwirana ku munyi.