Vikolwa 28:15 - KITABU KITAKATIFU

¹⁵ Avakristayo va Rumi lwa vahulira amakuva giitu, vaza kukwaganira ha Chiitu cha Apia ha Zihoteli Zivaga. Paolo lwa yavalola yasandiza Nyasaye, kandi alema mwoyo.

Vikolwa 28:15 ပူးပေါင်းရင်းမြစ်များ

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Kutwula 4:14

Maku, Yahova yaali nu vutima na Musa navoora, “Amwavo woovo Haruni wihiiri ya Levi aveeye ndi? Inzi manyi ndi oyo anyala komoloma vulahi ligali. Kandi, henza, yaazaa kuvugana nivi na ulwakolola, alava nuvuyanzi ligali.

Yohana 12:13

Kunangwa vaavugura zisia zia makindu nivazia kumwaganira, nivakuba isango nivavoora, “Hosana! Agasizwi uyu uzaa mu lieta liu Mwami. Agasizwi Mwami wa Isiraeli.”

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 10:23

Kunangwa Petero yavingiriza munyumba, navaha ahokogona uvudiku yivwo. Lwa vwacha Petero yazia logendo harara navo, na avalala ku vandu avasuuviraa va Jopa vazia harara naye.

Vikolwa 10:25

Lwa Petero yaali ni yingiraa, Korinelio yazia ichova kumwaganira, yagwa ku amaru imbiri weve naamusigamira.

Vikolwa 11:1

Avatumwa na avasuuviri vi Ivuyuda, vahulira ndi avandu vi Zihiiri zindi kandi vamali kuvugura likuva lia Nyasaye.

Vikolwa 11:12

Roho yambolera nzie harara navo vugira kulindagilira. Avandu avasuuviraa sita yava vazia harara ninzi Kaisaria; ni kwingira yo munyumba ya Korinelio.

Vikolwa 12:17

Petero yavamanyia nu mukono vakiring'ane, yavavolera kuli Mwami yamutuliza muvuhambe. Maku navavoolera, “Vooleri Yakobo amakuva yaga na avasuuviri vandi vosi.” Naye yatura nazia havundu handi.

Vikolwa 21:5

Navuzwa madiku giitu lwa gaafwa, kwatula nikuzia kologendo lwiitu. Vosi harara vakali na vana vaavo, vakohereka kuduuka ichova wi lidaala. Lwa kwaduka ku lujinga, lwinyanza kwosi kwasigama nikusaala, ma nikusivulana;

Vikolwa 28:14

Uwene yeyo kwanyoora yo avaamitu valala, vakusaala komenye navo lisiza lilala. Kunangwa kwaduka Rumi.

Varumi 15:24

ndohizaa kokora ndio kalunu lwa nambe ninziza mu kivala cha Sipeini. Suuviraa ndakamugenihi lwa naambitili yaho, kandi nyenya mungonye ku logendo lwene yilwo nduhi nduuki Sipeini nindakamara kusangara ni munyi ku ing'inga ngekeeke yene yeyo.

2 Vakorintho 2:14

Navuzwa, lisandiza live ku Nyasaye ukwimilira kazozo mu logendo lwi liguuta mu Kristo. Nyasaye akutumikiraa kulandiza limanya agiligali ga Kristo havundu hoosi kuli umwayu mulahi.

Vagalatia 4:14

Navuzwa kali niiva uvulwaye vwu muviri gwange vwakola munyi kuva nu vudinyu vonene, simwachaya inzi, kandi simwasuula mba; navuzwa mwanyingiriza kuli mwakakoli ku engelosi wa Nyasaye, kandi mwanyingiriza kuli mwakakoli ku Kristo Yeso mwene.

1 Vatesalonike 3:7

Kigira yaga, avaamitu viitu, kwaleminywa mioyo mu kivi chietu choosi no mulidambizwa lietu kigira lisuuvira lienyu.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.